न्हावरे : ‘पीएमपीएमएल’ची बससेवा हडपसर-चौफुला ते न्हावरे अशी सुरू करण्यात यावी. यासाठी महाराष्ट्र लोकसेवा आयोगाचे माजी अध्यक्ष,वरिष्ठ आयएएस अधिकारी किशोरराजे निंबाळकर यांनी आज (ता.०६) ‘पीएमपीएमएल’चे अध्यक्ष व व्यवस्थापकीय संचालक पंकज देवरे यांची पुणे येथील कार्यालयात भेट घेतली.
यावेळी किशोरराजे निंबाळकर व पंकज देवरे यांच्यामध्ये झालेल्या चर्चेदरम्यान लवकरात-लवकर हडपसर-चौफुला ते न्हावरे अशी बससेवा सुरू करण्यात येणार असल्याचे देवरे यांनी सांगितले. याप्रसंगी झालेल्या बैठकीला पीएमपीएमएलचे अधिकारीही उपस्थित होते.
हडपसर ते न्हावरे ही बस सेवा चौफुला मार्गे सुरू करण्यात यावी. यासाठी दौंड तालुक्यासह शिरूरच्या पूर्व भागातून हडपसर,पुणे येथे प्रवास करणारे नोकरदार, व्यावसायिक,विद्यार्थी यांनी अनेक दिवसांपासून मागणी केली होती. त्यामुळे ही बससेवा सुरू झाल्यास हडपसर ते न्हावरे या मार्गावर दळणवळण अधिक सोयीस्कर होणार आहे.असे किशोरराजे निंबाळकर यांनी सांगितले.
