Dr. Baba Adhav : कष्टकऱ्यांचे जगाप्रसिद्ध नेते, ज्येष्ठ समाजसेवक डॉ. बाबा आढाव यांचे आज (दि. ८) पुण्यात अल्प आजारानं निधन झालं. ते ९५ वर्षांचे होते. प्रकृती बिघडल्यामुळे त्यांना २८ नोव्हेंबर रोजी पुण्यातील पुना हॉस्पिटलच्या अत्याधुनिक विभागात दाखल करण्यात आलं होतं. तज्ज्ञ डॉक्टरांच्या देखरेखीखाली उपचार सुरू होते, पण आज त्यांचा जीव गेल्याची खळबळजनक माहिती समोर आली. (Dr. Baba Adhav)
डॉ. आढावांनी आपलं संपूर्ण जीवन सामाजिक न्यायासाठी, कष्टकरी वर्गासाठी समर्पित केलं. त्यांनी खास करून हमाल, रिक्षाचालक आणि बांधकाम मजुरांसाठी काम केलं, त्यांना संघटित करून न्याय, सुरक्षितता आणि सन्मान मिळवून दिला. ‘हमाल पंचायती’ ही त्यांची मोठी उपक्रम होती, ज्यातून पुण्यातून संपूर्ण महाराष्ट्रात कामगार संघटन वाढली. जातीय भेदभावावर मात करण्यासाठी त्यांनी ‘एक गाव एक पाणवठा’ अशी मोहिम हाती घेतली आणि समाजात समता प्रस्थापित करण्याचा प्रयत्न केला. (Dr. Baba Adhav)
बाबा आढावांचा जन्म १ जून १९३० साली पुण्यात नाना पेठेत झाला. ते नाना पेठेतील एक प्रसिद्ध आयुर्वेदिक डॉक्टर होते. पण कामगारांचे हाल पाहून १९६६ मध्ये त्यांनी आपला व्यवसाय सोडला आणि कामगारांच्या हक्कासाठी झटायला सुरुवात केली. १९७० च्या दशकात ते पुणे महापालिकेचे नगरसेवक आणि समाजवादी पक्षाचे सदस्यही होते. रिक्षा पंचायती चालवून त्यांनी कामगारांचे हक्क सुनिश्चित केले. (Dr. Baba Adhav)
