Baramati Murder: पुणे: पुण्यातील बारामती तालुक्यातील सोनगाव येथे एका सरपंच महिलेच्या पतीचा खून करण्यात आला आहे. या घटनेनंतर खून करणाऱ्या आरोपीला बारामती अतिरिक्त सत्र न्यायालयाने जन्मठेप आि तीन हजार रुपये दंडाची शिक्षा ठोठावली आहे. या घटनेनंतर गावात एकच खळबळ उडाली आहे.
मिळालेल्या माहितीनुसार, पनीश उर्फ पांग्या आनंद्या भोसले असे आरोपीचे नाव आहे. युवराज थोरात असं हत्या करण्यात आलेल्या व्यक्तीचे नाव होते. थोरात यांच्या मुलाने बारामती तालुका पोलीस ठाण्यात या बद्दल तक्रार दाखल करण्यात आले. 15 जानेवारी 2020 रोजी नीरा-कऱ्हा नदीच्या संगमावर असलेल्या सोनेश्वर मंदिराच्या पायऱ्यांवर हा प्रकार घडला.
मकरसंक्रांतीनिमित्त युवराज थोरात हे सोनेश्वर मंदिरात दर्शन घेण्यासाठी गेले होते. त्या वेळी मंदिर परिसरात एका तरुणाने एका महिलेला त्रास देत असल्याचे थोरात यांच्या लक्षात आले. त्यांनी त्या तरुणाला समज देत महिलेला त्रास देऊ नये, असे सांगितले. याच गोष्टीचा राग मनात धरून आरोपी तरुणाने थोरात यांच्याशी वाद घातला. वाद वाढत गेल्यानंतर आरोपीने शिवीगाळ करत धमकी दिली. ‘सरपंच झाल्याने माज आला आहे, एकेकाला भोसकून काढतो,’ असे म्हणत त्याने युवराज थोरात यांच्यावर धारदार शस्त्राने वार केला.
हल्ल्यानंतर आरोपी घटनास्थळावरून पळून गेला. हल्लेत गंभीर जखमी झालेल्या युवराज थोरात यांना तातडीने उपचारासाठी रुग्णालयात दाखल करण्यात आले, मात्र रक्तस्त्राव अधिक झाल्याने उपचारादरम्यान त्यांचा मृत्यू झाला. या ह्रदयद्रावक घटनेनंतर परिसरात तीव्र संतापाची लाट उसळली. पोलीसांनी आरोपीला ताब्यात घेऊन त्याच्यावर गुन्हा दाखल केला.
या प्रकरणाने संपूर्ण बारामती तालुक्यात खळबळ उडवली होती. एका महिलेला मदत करण्यासाठी पुढे आलेल्या व्यक्तीचा अशा पद्धतीने जीव जाणे, ही घटना समाजाला विचार करायला लावणारी ठरली.
