IPL Auction 2026: IPL Auction 2026 साठी खेळाडूंची अंतिम यादी नुकतीच जाहीर झाली असून 16 डिसेंबर रोजी अबूधाबी येथे होणाऱ्या लिलावात एकूण 350 क्रिकेटपटूंवर बोली लागणार आहे. यामध्ये 240 भारतीय आणि 110 विदेशी खेळाडूंचा समावेश आहे. अलीकडे वनडेमधून निवृत्ती घेतल्यानंतर पुन्हा मैदानात परतलेला दक्षिण आफ्रिकेचा विकेटकीपर-फलंदाज क्युंटोन डे नॉक तसेच अनुभवी ऑस्ट्रेलियन फलंदाज स्ट्वीव स्मिथ ही दोन्ही नावे अंतिम सूचीमध्ये आहेत.
हेही वाचा- पुण्यात प्रेमसंबंधाचा रक्तरंजित खेळ! 18 वर्षाच्या तरुणाचा खून, पोलिसांकडून 6 जणांना अटक
आयपीएलच्या निवेदनानुसार, यंदा एकूण 1390 खेळाडूंनी नोंदणी केली होती. यातील छाननीनंतर 350 जणांची अंतिम सूची निश्चित करण्यात आली आहे. सध्या लीगमधील दहा फ्रँचायझीज मिळून या लिलावातून उरलेल्या 77 स्थानांसाठी खेळाडूंची निवड करणार आहेत.
पहिल्या सेटमध्ये पृथ्वी शॉ आणि सरफराझ खान
लिलावाच्या पहिल्या सेटमध्ये भारताचे पृथ्वी शॉ आणि मुंबईचा सरफराझ खान यांचा समावेश आहे. दोघांनीही आपली मूळ किंमत 75 लाख ठेवली आहे. पृथ्वीने 2018 ते 2024 दरम्यान IPL मध्ये खेळले असले, तरी मागील लिलावात कोणतीही टीम त्याच्यावर बोली लावू शकली नव्हती. सरफराजची IPL मधील शेवटची उपस्थिती 2021 मध्ये होती. पहिल्या सेटमध्ये ऑस्ट्रेलियाचे कॅमेरॉन ग्रीन, जेक फ्राझेर मॅक गुर्ग, न्यूझीलंडचा डेव्होन कॉनवे आणि दक्षिण आफ्रिकेचा डेव्हीड मिल्लर यांचीही नावे असून त्यांची मूळ किंमत 2 कोटी आहे.
KKR आणि CSK कडे सर्वाधिक बजेट
कोलकाता नाईट रायडर्सकडे उपलब्ध असलेली शिल्लक रक्कम 64.3 कोटी रुपये असून यंदा हीच टीम सर्वाधिक निधीसह लिलावात उतरणार आहे. त्यानंतर चेन्नई सुपर किंगकडे 43.4 कोटी रुपये शिल्लक आहेत. सनराईझ हैद्राबाद तिसऱ्या स्थानावर असून 25.5 कोटी आहेत. सय्यद मुश्ताक अली टी 20 स्पर्धेत चमकदार कामगिरी करणारे कुणाल चंडेला आणि अशोक कुमार यांचाही अंतिम यादीत समावेश आहे.
इंग्लंडचे 21 आणि ऑस्ट्रेलियाचे 19 खेळाडू
अंतिम यादीत इंग्लंडचे एकूण 21 खेळाडू आहेत. यामध्ये विकेटकीपर जॅमी स्मित, वेगवान गोलंदाज गसएटकिंसन, लियाम लिव्हिंगस्टोन आणि टेस्ट ओपनर बेन डकेट यांची नावे आहे. ऑस्ट्रेलियातील 19 खेळाडू यादीत असून ग्रीन व्यतिरिक्त जोश इंग्लिस, मॅथ्यू शॉर्ट, कूपर कोनोली आणि ब्यू वेबस्टर यांचा समावेश आहे.
