Doctor’s Day लोणी काळभोर : लोणी काळभोर (ता. हवेली) येथील विश्वराज हॉस्पिटलमध्ये ”डॉक्टर्स डे”(Doctor’s Day) विविध सामाजिक उपक्रम राबवून मोठ्या उत्साहात शनिवारी (ता.१) साजरा करण्यात आला आहे. (Doctor’s Day)
भारतीय इतिहासातील एक प्रमुख व्यक्तिमत्व डॉ. बिधान चंद्र रॉय होय. रॉय हे केवळ एक प्रतिष्ठित चिकित्सक नव्हते तर ते राजकारणी, स्वातंत्र्यसैनिक आणि शिक्षणाचे पुरस्कर्ते देखील होते. रॉय यांच्या कार्याची दखल घेऊन भारतात त्यांचा जन्मदिवस १ जुलैला हा दरवर्षी राष्ट्रीय डॉक्टर्स दिन म्हणून साजरा करतात.
विश्वराज हॉस्पिटलमध्ये ”डॉक्टर्स डे” च्या निमित्ताने सर्वात प्रथम प्रख्यात आणि दिग्गज डॉक्टर रॉय यांना श्रद्धांजली अर्पण करण्यात आली. यावेळी डॉ.अनिकेत झरकर, डॉ.जिग्नेश मेहता डॉ.अनिरुध गरूड, डॉ. अजित ताम्हाणे डॉ.छगन खारतोडे, डॉ.चंद्रकांत सहारे, डॉ.सचितानंद लक्षतवार, डॉ.ओंकार आघाव, डॉ.मोनिका भगत, हॉस्पिटलचा स्टाफ व कर्मचारी मोठ्या संख्येने उपस्थित होते.
दरम्यान, विश्वराज हॉस्पिटल मधील डॉक्टरांनी रुग्णांच्या सेवेसाठी मनापासून झोकून दिले आहे. डॉक्टर नेहमी रूग्णांच्या कल्याणासाठी अथकपणे योगदान देत आहेत. असे प्रतिभावन व्यावसायिक डॉक्टर हॉस्पिटलला मिळाले आहेत. अशा प्रामाणिक डॉक्टरांचा हॉस्पिटलच्या वतीने यावेळी सत्कार करण्यात आला.
देशाचे सैनिक म्हणून ओळखले जाणारे डॉक्टर कदाचित सीमेवर शारीरिक लढाईत सहभागी होत नसतील, परंतु जीव वाचवण्यासाठी आणि आयुर्मान सुधारण्यासाठी त्यांचे समर्पण अतुलनीय आहे. ते निर्भयपणे सर्व अपेक्षा मागे टाकून इतरांची सेवा करण्यासाठी स्वतःचा जीव धोक्यात घालतात. मानवी आरोग्यासाठी डॉक्टरांचे योगदान मोजता येण्या पलीकडे आहे.
डॉक्टर हे समाजात महत्त्वाची भूमिका बजावतात, त्यांचे जीवन त्यांच्या रुग्णांच्या कल्याणासाठी समर्पित करतात. त्यांच्या कौशल्याने आणि अथक प्रयत्नांद्वारे, डॉक्टर रोग आणि परिस्थितींमधून जलद पुनर्प्राप्तीसाठी मदत करतात. आणि शेवटी जीवनाचा दर्जा वाढवतात. वैद्यकीय शास्त्राची त्यांची सखोल समज त्यांना रूग्णांच्या वैद्यकीय स्थितींवर प्रभावीपणे उपचार करण्यास अनुमती देते, ज्यामुळे रुग्णांचे आयुर्मान वाढू शकते.
