Pushpa 2 Premier : अल्लू अर्जुनच्या ‘पुष्पा 2’ चित्रपटाची सध्या संपूर्ण देशभरात चर्चा चालू आहे. गुरुवारी ( दि. 04डिसेंबर ) सायंकाळी या चित्रपटाचा प्रीमियर सोहळा पार पडला होता. दरम्यान, हैदराबादमध्ये प्रदर्शनादरम्यान झालेल्या चेंगराचेंगरीत एका महिलेचा मृत्यू झाला आणि तीन जण जखमी झाले आहेत. हे प्रकरण गांभीर्याने घेत पोलिसांनी गुन्हा दाखल केला आहे.
मिळालेल्या माहितीनुसार, तेलंगणच्या हैदराबादमध्ये हा अपघात झाला. तेथील संध्या थिएटरमध्ये ‘पुष्पा 2’ चित्रपटाचा प्रीमिअर शो होता. मात्र थिएटरमध्ये निर्धापित मर्यादेपेक्षा जास्त लोक पोहोचल्यानंतर पोलिसांना लाठीचार्ज करावा लागला, त्यामुळे चेंगराचेंगरी झाली. या घटनेशी संबंधित अनेक व्हिडिओ व्हायरल होत आहेत. थिएटरमध्ये सुमारे 200 पोलिस तैनात होते. या दुर्दैवी घटनेमुळे हळहळ व्यक्त होत आहे.
प्रोडक्शन हाऊसने जारी केलेल्या निवेदनात म्हटलं आहे की, “पुष्पा 2’च्या स्क्रीनिंग दरम्यान झालेल्या घटनेबद्दल माहिती मिळताच आम्हाला प्रचंड दु:ख झालं. आम्ही संबंधित महिलेच्या कुटुंबाच्या पाठीशी आहोत. वैद्यकीय उपचार घेणाऱ्या लहान मुलाची प्रकृती लवकरात लवकर ठीक व्हावी, यासाठी आमच्या प्रार्थना त्यांच्या कुटुंबीयांबरोबर आहेत.” या दुर्दैवी घटनेमुळे हळहळ व्यक्त होत आहे.
We are extremely heartbroken by the tragic incident during last night’s screening. Our thoughts and prayers are with the family and the young child undergoing medical treatment.
We are committed to standing by them and extending all possible support during this difficult time.…
— Mythri Movie Makers (@MythriOfficial) December 5, 2024
