अभिनेत्री पूजा सावंत आणि सिद्धेश चव्हाण लवकरच लग्नबंधनात अडकणार आहेत. त्यामुळे दोघांच्या घरी लग्नाचे विधी पार पडत आहेत. पूजा आणि सिद्धशचा संगीत सोहळा नुकताच पार पडला. त्यानंतर आता पूजाचा मेहंदी सोहळाही पार पडला आहे. पूजाच्या मेहंदीचे फोटो सध्या सोशल मीडियावर व्हायरल होत आहेत.
पूजाच्या मेहंदीचे फोटो
पूजा सावंत हीच्या मेहंदीचे फोटो सध्या समोर आले आहेत. गुलाबी रंगाचा लेहंगा पूजाने तिच्या मेहंदीसाठी निवडला होता. या लेहंग्यामध्ये पूजाचे सौंदर्य देखील खुलले आहे. पूजाने तिच्या संगीत सोहळ्यासाठी जांभळ्या रंगाच्या लेहंग्याची निवड केली होती. काही दिवसांपूर्वी पूजाने तिच्या सोशल मीडिया अकाऊंटवरुन सिद्धेशसोबतच्या नात्याविषयी कबुली दिली होती. त्यानंतर त्यांचा साखरपुडा देखील पार पडला. पूजाच्या काही खास मित्रमंडळींनी पूजा आणि सिद्धेशच्या साखरपुड्याला हजेरी लावली होती.
पूजा सावंतच्या अभिनयाचा प्रवास
पूजा सावंतने आपल्या अभिनयासह सौंदर्याने प्रेक्षकांच्या मनावर अधिराज्य गाजवलं आहे. तसेच ती एक उत्तम नृत्यांगनाही आहे. पूजा सावंतचं नाव अभिनेता वैभव तत्तववादी आणि भूषण प्रधान बरोबरही जोडलं गेलं होतं. पूजाने दगळी चाळ, क्षणभर विश्रांती, पोस्टर बॉइज, नीळकंठ मास्तर, भेटली तू पुन्हा, बोनस अशा अनेक गाजलेल्या सिनेमांत काम केलं आहे. तिचे अनेक सिनेमे सुपरहिट ठरले आहेत.
