पुणे प्राईम न्यूज डेस्क: दिग्दर्शक आदित्य धर (Aditya Dhar) याचा बहुचर्चित ‘धुरंधर’ हा चित्रपट बॉक्स ऑफिसवर अभूतपूर्व यश मिळवत आहे. प्रदर्शनाच्या 16 व्या दिवशीही चित्रपटाची घोडदौड कायम असून, तिसऱ्या शनिवारी देशांतर्गत तसेच जागतिक स्तरावर त्याने रेकॉर्डब्रेक कमाई केली आहे. रणवीर सिंह आणि अक्षय खन्ना (Ranveer Singh and Akshaye Khanna) यांच्या प्रमुख भूमिका असलेला हा चित्रपट भारतात अधिकृतपणे 500 कोटींच्या क्लबमध्ये पोचला आहे. (Dhurandhar Box Office Collection)
16 व्या दिवशी सुमारे 33.50 कोटींची कमाई
‘धुरंधर’ने 16 व्या दिवशी भारतात सुमारे 33.50 कोटी रुपयांची कमाई केली. तिसऱ्या शुक्रवारी 22.50 कोटींची कमाई झाल्यानंतर शनिवारी उत्पन्नात लक्षणीय वाढ नोंदवण्यात आली आहे. त्यामुळे चित्रपटाचे एकूण भारतीय नेट कलेक्शन 516.50 कोटी रुपयांवर पोहोचले आहे.
2025 या वर्षातला सर्वात वेगाने 500 कोटींचा टप्पा पार करणाऱ्या चित्रपटांपैकी एक ठरला आहे. अवघ्या 15 ते 16 दिवसांत हा टप्पा गाठला आहे. धुरंदरने शाहरुख खानच्या ‘जवान’चा विक्रम मोडीत काढला आहे. त्यामुळे ‘धुरंधर’ हा भारतीय चित्रपटसृष्टीतील सर्वात जलद 500 कोटी कमावणाऱ्या चित्रपटांपैकी एक ठरला आहे.
हेही वाचा: ‘रंगिला गर्ल’ उर्मिला मातोंडकरचा बॉलिवूडला रामराम? म्हणाली…
हा चित्रपट रणवीर सिंहच्या कारकिर्दीतील सर्वात मोठा हिट ठरला असून, याआधी ‘पद्मावत’ हा त्याचा सर्वाधिक कमाई करणारा चित्रपट होता.
जागतिक स्तरावरही ‘धुरंधर’ची कमाई दमदार
जागतिक स्तरावरही ‘धुरंधर’ची कमाई दमदार असून, चित्रपटाचे वर्ल्डवाइड कलेक्शन सुमारे 940 कोटी रुपयांपर्यंत पोहोचले आहे. येत्या काही दिवसांत हा चित्रपट 1000 कोटींचा टप्पा पार करेल, असा अंदाज व्यक्त केला जात आहे.
आदित्य धर यांचे दिग्दर्शन आणि रणवीर सिंह-अक्षय खन्ना यांची अभिनयातील जुगलबंदी प्रेक्षकांच्या विशेष पसंतीस उतरली आहे.
हेही वाचा: एका हरहुन्नरी कलाकाराचा अंत! रणजित पाटील यांनी जगाचा घेतला निरोप; मराठी सिनेसृष्टीत शोककळा
