पुणे: छत्रपती संभाजी महाराज यांच्या चरित्रावर आधारित छावा चित्रपट बॉक्स ऑफिसवर धुमाकूळ घालत आहे. ‘छावा’ प्रदर्शित होऊन दोन आठवडे झाले आहेत, तरीदेखील त्याच्या कमाईचा वेग कमी झालेला नसल्याचे समोर येत आहे. छावाने अनेक रेकॉर्ड तोडले आहेत. पंधरा दिवसात छावाने ४०० कोटींचा टप्पा पार केला आहे.
मराठमोळा दिग्दर्शक लक्ष्मण उतेकर याने दिग्दर्शित केलेला ‘छावा’ हा चित्रपट प्रेक्षकांच्या प्रचंड पसंतीस उतरला आहे. छावा प्रदर्शित झाल्याच्या पहिल्या दिवसापासून आतापर्यंत प्रेक्षकांमध्ये हा चित्रपट लोकप्रिय ठरला आहे. छावा चित्रपट दररोज करोडो रुपयांची कमाई करत आहे. ‘छावा’नं आतापर्यंत त्याच्या बजेटपेक्षा कितीतरी पट जास्त कमाई केली आहे. ‘छावा’नं प्रदर्शनाच्या पंधराव्या दिवशी ४०० कोटींचा टप्पा ओलांडला आहे. ‘छावा’ ने १५ दिवसांत एकूण ४१२.५० कोटी रुपये एवढी कमाई केली आहे.
