Shirur News : शिरुर : किरकोळ कारणावरून सख्खा भावाला कोयत्याचा धाक दाखवून जीवे मारण्याची धमकी दिल्याची धक्कादायक घटना गोलेगाव (ता. शिरूर) येथे नुकतीच घडली आहे. याप्रकरणी एकाच्या विरोधात शिरूर पोलीस ठाण्यात गुन्हा दाखल करण्यात आला आहे.
शिरूर पोलीस ठाण्यात गुन्हा दाखल
संदिप बबन भोगावाडे असे गुन्हा दाखल झालेल्या आरोपीचे नाव आहे. याप्रकरणी त्याचा सख्खा भाऊ श्रीकांत बबन भोगावडे (वय-३८, गोलेगाव, ता. शिरूर) यांनी शिरूर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, संदिप भोगावाडे व श्रीकांत भोगावडे हे दोघे सख्खे भाऊ आहेत. मागील काही दिवसापूर्वी त्यांच्यामध्ये काही कारणास्तव वाद झाले होते. (Shirur News) याचा राग मनात धरून आरोपी संदिप भोगावाडे याने फिर्यादी श्रीकांत यांना गोलेगाव येथे शिविगाळ केली.
दरम्यान, आरोपी संदिप याने गुजर मळा (ता.शिरूर) येथील निर्माण प्राईड येथे आला. आणि श्रीकांत यांच्या फ्लॅटच्या समोर उस तोडायचा धारधार कोयता घेवुन आरडोओरडा करून श्रीकांत यांना शिवीगाळ केली. (Shirur News) तसेच श्रीकांतला जिवे मारण्याची धमकी देवुन त्यांच्या घराच्या समोर दहशत निर्माण केली आहे.
याप्रकरणी श्रीकांत भोगावडे यांनी शिरूर पोलीस ठाण्यात फिर्याद दिली आहे. त्यानुसार आरोपी संदिप भोगावाडे याच्याविरुद्ध शिरूर पोलीस ठाण्यात आर्म ऍक्ट ४२५ प्रमाणे गुन्हा दाखल करण्यात आला आहे. पुढील तपास पोलीस अंमलदार विनोद मोरे करीत आहे.
