Pune News : पुणे : भरधाव वेगाने चाललेल्या कारने रस्ता ओलांडणाऱ्या कुत्र्याच्या पिल्लाला जोरदार ठोकर दिली होती. या अपघातात कुत्र्याचा मृत्यू झाला होता. याचा जाब विचारणासाठी गेलेल्या महिलेला शिवीगाळ करुन विनयभंग केल्याचा प्रकार कोरेगाव पार्कमधील नॉर्थ मेन रोडवर शनिवारी (ता.२९) रात्री साडेनऊ वाजण्याच्या सुमारास घडला आहे. Pune News
कोरेगाव पार्क पोलीस ठाण्यात गुन्हा दाखल…
याप्रकरणी एका ३५ वर्षाच्या महिलेने कोरेगाव पार्क पोलीस ठाण्यात फिर्याद दिली आहे. त्यानुसार पोलिसांनी बाळु माणिक गायकवाड (वय २७, रा. धावडे वस्ती, भोसरी एमआयडीसी) याच्यावर गुन्हा दाखल केला आहे.
पोलिसांनी दिलेल्या माहितीनुसार, फिर्यादी महिला हिने जॉकी बार समोर कुत्र्यांना पाणी पाजले होते. त्यानंतर कुत्र्यांचे पिल्लु रस्ता ओलांडत होते. यावेळी आरोपी गायकवाड याची गाडी वेगाने आली. तिने कुत्र्याच्या पिल्यावर गाडी घातल्याने त्याचा मृत्यु झाला.
दरम्यान, याचा जाब विचारण्यासाठी फिर्यादी गायकवाड यांच्याकडे गेल्या असता, आरोपी गायकवाड याने त्यांना शिवीगाळ करुन विनयभंग केला. याप्रकरणी कोरेगाव पार्क पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक नरळे करीत आहेत. Pune News
