Pune News : पुणे : येरवडा कारागृहात गुंडांनी पोलिसांवर हल्ला करण्याच्या घटना वारंवार घडत असतात. नुकतेच मोक्का कारवाई केलेल्या गुंडाने येरवडा कारागृहातील पोलीस शिपायावर पत्र्याच्या तुकड्याने वार केल्याची खळबळजनक घटना उघडकीला आली आहे. याप्रकरणी ऋषभ उर्फ सनी शेवाळे याच्याविरुद्ध गुन्हा दाखल करण्यात आला आहे.
येरवडा पोलीस ठाण्यात फिर्याद दाखल
याबाबत पोलिसांनी दिलेल्या माहितीनुसार, ऋषभ शेवाळे याच्याविरूद्ध गुन्हा दाखल करण्यात आला आहे. (Pune News) याप्रकरणी पोलीस शिपाई संतोष जगताप यांनी येरवडा पोलीस ठाण्यात फिर्याद दिली होती.
लोणी काळभोर पोलिसांनी ऋषभ शेवाळे आणि साथीदारांविरुद्ध महाराष्ट्र संघटित गुन्हेगारी नियंत्रण कायद्यान्वये कारवाई केली आहे. शेवाळे आणि साथीदारांना येरवडा कारागृहात आणण्यात आले. (Pune News) कारागृहातील सर्कल क्रमांक एकच्या परिसरात शेवाळेने त्याच्याकडील पत्र्याच्या तुकड्याने जगताप यांच्यावर हल्ला केला. या वेळी कारागृह रक्षकांनी त्याला पकडले.
पोलीस उपनिरीक्षक अशोक काटे या घटनेचा तपास करत आहेत.
अधिक बातम्या वाचण्यासाठी येथे क्लिक करा :
Pune News : गेट उघडण्यास उशीर झाला; सिक्युरिटी गार्डला बेशुद्ध पडेपर्यंत मारहाण
Pune News : तरुणाचे अपहरण करून, निर्जन स्थळी नेऊन अनैसर्गिक अत्याचार; तिघांविरोधात गुन्हा दाखल
