Pune News : पुणे : तरुणीवर बलात्कार झाल्याच्या बातम्या आपण अनेकदा ऐकतो. मात्र, पुरुषांवर झालेल्या बलात्काराची प्रकरणे समोर येत नाहीत. त्यामुळे लैंगिक अत्याचाराबाबत खुलेपणाने बोलण्यात किंवा कायद्याचा आधार घ्यायला पुरूष बिचकतात. मात्र, आता पुण्यात तरुणही सुरक्षित नसल्याचा धक्कादायक प्रकार समोर आला आहे. ससून रुग्णालयाजवळून एका तरुणाचे अपहरण करून तिघांनी भोसरी परिसरात निर्जन स्थळी नेऊन त्याच्यावर बलात्कार केल्याची खळबळजनक घटना घडली आहे. याप्रकरणी तरुणाने बंडगार्डन पोलीस ठाण्यात तक्रार दाखल केली आहे. त्यानुसार, तिघांच्या विरोधात गुन्हा दाखल करण्यात आला आहे.
बंडगार्डन पोलीस ठाण्यात फिर्याद दाखल
अपवादात्मक रूपात का होईना, पण पुरुषांवर सुद्धा बलात्कार होतो. मात्र, पुरुषांवर झालेल्या बलात्काराची प्रकरणे समोर येत नाहीत. पुरुषांवरच्या बलात्काराबाबत मौन बाळगले जाते. (Pune News ) मात्र, याप्रकरणी एका २१ वर्षांच्या तरुणाने धाडस दाखवत आपल्यावर झालेल्या लैंगिक अत्याचाराची तक्रार पोलीस ठाण्यात दाखल केली आहे.
पोलिसांनी दिलेल्या माहितीनुसार, फिर्यादी तरुण तळेगाव दाभाडे येथील एका इंजिनीअरिंग महाविद्यालयात शिक्षण घेत आहे. ग्राइंडर ॲपवरुन तरुणाची आरोपींशी ओळख झाली होती. आरोपींनी गोड बोलून त्याला मैत्रीच्या जाळ्यात ओढले. त्याला पुणे स्टेशन परिसरात भेटण्यास बोलावले. (Pune News ) ससून रुग्णालयाच्या प्रवेशद्वारजवळ तरुणाला मोटारीत बसण्यास सांगितले. फिरायला जाऊ असे सांगून आरोपींनी त्याला मोटारीतून भोसरी एमआयडीसी परिसरात नेले. येथे निर्जन स्थळी नेऊन, त्याच्या गळ्याला विळा लावून २८,५०० रुपये ऑनलाईन ट्रान्सफर करायला भाग पाडले. त्यानंतर त्याच्यावर अनैसर्गिक संभोग करण्याचीही जबरदस्ती केली.
दरम्यान, आरोपी एवढ्यावरच थांबले नाहीत, तर हा प्रकार कोणालाही सांगितल्यास तुझी ओळख उघड करु, अशी धमकी देखील दिली. (Pune News )या प्रकरणी संबंधित तरुणाने बंडगार्डन पोलीस ठाण्यात फिर्याद नोंदवली. त्यानुसार, त्याच्यावर गुन्हा दाखल करण्यात आला आहे.
अधिक बातम्या वाचण्यासाठी येथे क्लिक करा :
Pune News : नवले पुलाजवळ मोटारीच्या धडकेने पादचारी महिलेचा मृत्यू
