(Pune Crime) पुणे : एका पादचारी महिलेच्या गळ्यातील तब्बल १ लाखांचे मंगळसुत्र दुचाकीस्वार चोरट्यांनी जबरदस्तीने हिसकावून नेल्याचा प्रकार घडला. पुणे सातारा रस्त्यावरील शंकर महाराज मठाजवळ ही घटना रविवारी ( ता.२६) सकाळी घडली आहे.
सहकारनगर पोलीस ठाण्यात दोन अनोळखी चोरट्यांविरोधात गुन्हा दाखल…!
याप्रकरणी सहकारनगर पोलीस ठाण्यात ५१ वर्षीय महिलेने तक्रार दिली आहे. त्यानूसार, दुचाकीवरील दोन अनोळखी चोरट्यांविरोधात गुन्हा नोंद केला आहे.
मिळालेल्या माहितीनुसार…!
तक्रारदार या धनकवडी परिसरात राहण्यास असून, त्या दर्शनासाठी शंकर महाराज मठ परिसरात आल्या होत्या. त्या पावणे आठच्या सुमारास पुणे सातारा रस्त्याने पायी चालत जात असताना मठाजवळील नेहा फर्निचरसमोर आल्यानंतर पाठिमागून दुचाकीवर आलेल्या दोन चोरट्यांनी त्यांच्या गळ्यातील १ लाखांचे मंगळसूत्र जबरदस्तीने हिसकावले. महिलेने आरडाओरडा केला. परंतु, चोरटे दुचाकीवरून पळाले. सहकारनगर पोलिसांनी घटनेची माहिती मिळथाच येथे धाव घेऊन पाहणी केली. पुढील तपास पोलीस करत आहेत.
