Pune Crime पुणे : घरात कोणी नसल्याचा फायदा घेऊन एका नराधमाने अल्पवयीन मुलींना जीवे मारण्याची धमकी देऊन एका १३ वर्षीय मुलीवर लैंगिक अत्याचार तर तिच्याच ११ वर्षीय चुलत बहिणीशी अश्लील चाळे केल्याचा धक्कादायक प्रकार पुण्यात Pune Crime उघडकीस आला आहे. याप्रकरणी विमानतळ पोलिसांनी एकास अटक केली आहे.
संदीप चंदू पासी (वय-२०) असे अटक करण्यात आलेल्या आरोपीचे नाव आहे. याप्रकरणी पिडीत अल्पवयीन मुलीच्या आईने विमानतळ पोलीस ठाण्यात तक्रार दिली आहे.
पोलिसांनी दिलेल्या माहितीनुसार…!
तक्रारदार महिला कामानिमित्त त्यांच्या मूळ गावी गेली होत्या. त्यामुळे घरात कोणी नसल्याचा गैरफायदा घेऊन आरोपी पासी हा महिलेच्या घरात शिरला. त्यानंतर आरोपीने महिलेच्या मुलीला व त्यांच्या दिराच्या मुलीला जीवे मारण्याची धमकी दिली. आणि एका मुलीवर लैंगिक अत्याचार केले. तर, दुसऱ्या मुलीशी अश्लील चाळे केले.
दरम्यान, आई गावाहून परत आल्यानंतर घाबरलेल्या मुलींनी या घटनेची माहिती आईला दिली. त्यानंतर हा प्रकार उघडकीस आला. याप्रकरणी पिडीत मुलीच्या आईने तातडीने विमानतळ पोलीस ठाणे गाठले. याप्रकरणी आरोपीच्या विरोधात फिर्याद दिली. गुन्हा दाखल होताच विमानतळ पोलिसांनी आरोपी पासी याला अटक केली आहे.
