लहू चव्हाण
Pachgani News : पाचगणी : कासवंड (ता. महाबळेश्वर) येथे घरात कोणी नसल्याची संधी साधून अज्ञाताने दिवसाढवळ्या एक लाख ८६ हजार तीनशे रुपये किंमतीचा ऐवज चोरुन नेला आहे. याबाबत पाचगणी पोलीस ठाण्यात गुन्हा दाखल करण्यात आला आहे.
पाचगणी पोलीस ठाण्यात गुन्हा दाखल
पोलीस ठाण्यातून मिळालेल्या माहितीनुसार, ३ ऑक्टोबर रोजी दुपारी २ ते सायंकाळी ६ वाजण्याच्या सुमारास आनंदा दगडू पवार (वय ७०) यांच्या कासवड येथील राहत्या घराला बाहेरून लावलेले कुलूप अज्ञात चोरट्याने उचकटले आणि घरात प्रवेश केला. (Pachgani News) घरातील पडवीमध्ये ठेवलेल्या लोखंडी पेटीतील तीन तोळे वजनाची सोनसाखळी, तीन तोळे वजनाचे सोन्याचे मनी मंगळसूत्र, १ ग्रॅम वजनाची सोन्याची गोल आकाराची कर्णफुले, सात तोळे वजनाच्या पायातील चांदीच्या पट्ट्या व रोख पाचशे रुपये असा सुमारे एक लाख ८६ हजार तीनशे रुपये किंमतीचा ऐवज चोरुन नेला. याप्रकरणी पाचगणी पोलीस ठाण्यात घरफोडीची तक्रार दाखल करण्यात आली आहे.
घटनास्थळी पाचगणी पोलीस ठाण्याचे सहाय्यक पोलीस निरीक्षक राजेश माने यांनी भेट दिली असून, माने यांच्या मार्गदर्शनाखाली सहायक फौजदार स्नेहल सोमदे अधिक तपास करीत आहेत.
अधिक बातम्या वाचण्यासाठी येथे क्लिक करा :
Pachgani News : आंब्रळ येथील टेबललँड परिसरात स्वच्छता मोहीम
Pachgani News : श्रीमती मीनलबेन महेता कॉलेजमध्ये ‘हिंदी दिन’ उत्साहात
