Pachgani News : पाचगणी : राष्ट्रपिता महात्मा गांधी यांच्या जयंतीचे औचित्य साधून आंब्रळ (ता. महाबळेश्वर) येथील टेबललॅंड पठारावरील तलाव परिसर पाचगणी रोटरी क्लब, मैत्री फाउंडेशन, धनंजय फूड्स, महाबळेश्वर वनविभाग आणि आंब्रळ ग्रामपंचायत यांच्या संयुक्त विद्यमाने स्वच्छता मोहीम राबविण्यात आली.
गांधी जयंतीचे निमित्त साधून उपक्रम
‘सुंदर महाराष्ट्र, सुंदर भारत’ बनविण्यासाठी राबविण्यात येत असेलल्या ‘एक तारीख, एक तास स्वच्छता’ मोहिमेंतर्गत आंब्रळ पठारावरील तलाव परिसरात गणेश विसर्जनामुळे पसरलेले निर्माल्य, पठारावरील प्लास्टिक कचरा, पाण्याच्या बाटल्या, काचेच्या बाटल्या इत्यादी कचरा सामाजिक संस्थांच्या सदस्यांनी पुढाकार घेऊन एकत्र गोळा केला. (Pachgani News) हा सर्व कचरा खिंगर ग्रामपंचायतीने आपल्या व्यवस्थेमार्फत कचरा डेपोवर पोचवला.
बिल्लीमोरिया हायस्कूल यांच्या विद्यार्थ्यांनी देखील या मोहिमेत सहभागी होऊन पाचगणी-खिंगर रस्त्याच्या दुतर्फा असलेला कचरा उचलून आपल्या कृतीमधून समाजाला स्वच्छतेचा संदेश दिला. सर्व विद्यार्थी अत्यंत आत्मियतेने स्वच्छतेच्या कार्यास हातभार लावत होते.
पाचगणी परिसरातील पठारे ही परिसराची शान
यावेळी बोलताना पाचगणी रोटरी क्लबचे अध्यक्ष स्वप्निल परदेशी म्हणाले, पाचगणी परिसरातील पठारे ही आपल्या परिसराची शान असून, त्यांची स्वच्छता राखणे हे पर्यटनाच्या दृष्टीने अत्यंत आवश्यक आहे. (Pachgani News) या सर्व गोष्टींचा विचार करून पाचगणीतील सामाजिक संस्थांनी राबविलेली स्वच्छता मोहीम ही खरोखरच कौतुकास्पद आहे.
…अन्यथा पर्यटक पाठ फिरवतील
पाचगणी परिसरातील पठारे आणि इथला निसर्ग जर स्वच्छ राहिला तरच इथले सौंदर्य टिकून राहील. अन्यथा पर्यटक इकडे पाठ फिरवतील. (Pachgani News) त्यामुळे स्वच्छता गरजेची असल्याचे मत मैत्री फाउंडेशनचे अध्यक्ष नितीन (भाई) भिलारे यांनी व्यक्त केले.
या स्वच्छता मोहिमेसाठी पाचगणी रोटरी क्लबचे अध्यक्ष व धनंजय फूडसचे संचालक स्वप्नील परदेशी, सेक्रेटरी नितीन कासुर्डे, मैत्री फाउंडेशनचे अध्यक्ष नितीन भिलारे, गुरेघर वनपरिमंडळ अधिकारी रंजीत काकडे, आंब्रळच्या सरपंच माधुरी आंब्राळे, ग्रामसेवक जाधव, रोटरीयन आदित्य गोळे, अविनाश माने, प्रमोद कासुर्डे, ग्रामपंचायत सदस्य व आंब्रळ ग्रामस्थांनी सहभाग घेतला होता.
अधिक बातम्या वाचण्यासाठी येथे क्लिक करा :
Pachgani News : श्रीमती मीनलबेन महेता कॉलेजमध्ये ‘हिंदी दिन’ उत्साहात
Pachgani News : पाचगणीतील कबड्डी स्पर्धेत २५ संघांचा सहभाग
Pachgani News : पसरणी घाटात दरड कोसळून दगड, माती रस्त्यावर; वाहतुकीची कोंडी
