Hadapsar News : हडपसर, (पुणे) : किराणा साहित्य आणण्यासाठी गेलेल्या महिलेसोबत अश्लील चाळे करुन तिचा विनयभंग केल्याची घटना हडपसर परिसरातील मगरपट्टा येथील सार्वजनिक रस्त्यावर शनिवारी (ता. १४) रात्री साडेनऊ वाजता घडली आहे. याप्रकरणी हडपसर पोलिसांनी दोघांना अटक केली आहे.
दोघांना अटक
रशिद उर्फ सल्लु खलिल शेख (वय-३३), शुभम पुरुषोत्तम मरगणे (वय-२६) असे अटक करण्यात आलेल्या दोघांची नावे आहेत. याबाबत शिंदे वस्ती येथे राहणाऱ्या ३० वर्षाच्या महिलेने हडपसर पोलीस ठाण्यात रविवारी ता. १५) फिर्याद दिली आहे.
पोलिसांनी दिलेल्या माहितीनुसार, फिर्य़ादी महिला या किराणा साहित्य खरेदी करण्यासाठी जात होत्या. त्यावेळी आरोपींनी त्यांच्या पाठिमागून येऊन छेड काढली. तसेच त्यांच्यासोबत अश्लील चाळे करुन स्त्री मनास लज्जा उत्पन्न होईल असे गैरवर्तन केले.
दरम्यान, महिला किराणा दुकानात गेल्या असता आरोपींनी त्याठिकाणी महिलेसोबत जवळीक साधण्याचा प्रयत्न केला. तसेच त्यांच्यासोबत गैरकृत्य करुन त्यांची लैंगिक छळवणुक केल्याचे फिर्यादीत नमूद केले आहे. पोलिसांनी दोघांवर विनयभंगाचा गुन्हा दाखल करुन अटक केली आहे. पुढील तपास पोलीस करीत आहेत.
