Breaking News : पुणे : मुंबई – बंगळुरू महामार्गावर कोळशाच्या ट्रकचा टायर फुटल्यामुळे भीषण अपघात झाल्याची धक्कादायक घटना नऱ्हे (पुणे) येथील भूमकर चौकाजवळ आज सोमवारी (ता.१०) सकाळी साडेदहा वाजण्याच्या सुमारास घडली आहे. या अपघातात सुदैवाने कोणतीही जीवितहानी झाली नाही नसल्याची माहिती समोर येत आहे.(Breaking News)
कोळशाच्या ट्रकचा टायर फुटल्यामुळे भीषण अपघात.
मिळालेल्या माहितीनुसार, मुंबई – बंगळुरू महामार्गावरून एक ट्रक सातारहून मुंबईच्या दिशेने कोळसा घेऊन निघाला होता. तेव्हा ट्रक नऱ्हे येथील भूमकर चौकाजवळ आला असता अचानक ट्रकचा टायर फुटला. यानंतर ट्रकचालकाचे गाडीवरील नियंत्रण सुटले आणि ट्रक दुभाजक तोडून रस्त्याच्या पलीकडच्या दिशेला जाऊन पलटी झाला.(Breaking News)
या अपघातात ट्रकचालक किरकोळ जखमी झाला असून त्याला जवळच्या खासगी रुग्णालयात उपचारासाठी दाखल करण्यात आले आहे. ट्रक पलटी झाल्याने ट्रक मधील असणारा सर्व कोळसा महामार्गावर पडल्याने काही काळ त्याठिकाणी वाहतूक कोंडी निर्माण झाली होती.(Breaking News)
या घटनेची माहिती मिळताच सिंहगड रोड पोलीस ठाण्याचे सहाय्यक पोलीस निरीक्षक राहुल यादव व वाहतूक पोलिसांनी तातडीने घटनास्थळी धाव घेतली. पोलिसांनीजेसीबी व करेन मागवून महामार्गावर पडलेला कोळसा बाजूला काढला आणि वाहतूक सुरळीत केली.(Breaking News)
