नाशिक : मुंडे गाव (जि नाशिक) येथील जिंदाल कंपनीला आज रविवारी (ता.१) भीषण आग लागल्याची धक्कादायक घटना उघडकीस आली आहे. या आगीत अनेक कामगार अडकल्याची भीती व्यक्त करण्यात येत आहे. या घटनेची माहिती मिळताच अग्निशमन दलाच्या गाड्या घटनास्थळी दाखल झाल्या असून आग विझवण्याचा प्रयत्न युद्धपातळीवर सुरु आहेत.
Maharashtra | Massive fire breaks out in a factory located in Mundegaon village of Igatpuri tehsil in Nashik district
Details awaited. pic.twitter.com/jQhSHqZCX7
— ANI (@ANI) January 1, 2023
मिळालेल्या माहितीनुसार, कंपनीतील बॉयलरचा स्फोट झाल्यामुळे ही आग लागली आहे. आगीचे स्वरुप भीषण असून धूर आणि आगीचे लोट दूरपर्यंत पसरले आहेत. कंपनीतील अनेक कर्मचाऱ्यांना बाहेर काढण्यात आले आहे.
दरम्यान, जिंदाल कंपनीला लागलेल्या आगीचे नेमके कारण अद्याप समजू शकलेले नाही. मात्र भडकलेली आग तसेच दाखल झालेल्या रुग्णवाहिका लक्षात घेता या घटनेत अनेकजण जमखी झाल्याची भीती व्यक्त करण्यात येत आहे. आग विझवण्यासाठी युद्धपातळीवर प्रयत्न सुरु आहेत.
