सागर घरत
करमाळा : दरोडा, जबरी चोरी व मारहाण मधील फरार असलेला एक संशयित आरोपी करमाळा पोलिसांनी ताब्यात घेतला आहे.
खाजा राजेंद्र काळे (वय 40, रा. भगतवाडी, ता. करमाळा) असे त्याचे नाव आहे. करमाळासह ,दौंड, कुर्डुवाडी व बारामती पोलिसात त्याच्याविरुद्ध 11 गुन्हे दाखल आहेत. त्याच्याकडून अनेक गुन्हे उघडकीस येण्याची शक्यता पोलिस निरीक्षक सूर्यकांत कोकणे यांनी व्यक्त केली आहे.
ताब्यात घेतलेला संशयित आरोपी काळे हा जिंती, भगतवाडी, केत्तुर शिवारात आला असल्याची माहिती पोलिस निरीक्षक कोकणे यांना मिळाली. त्याच्याविरुद्ध रेल्वेमध्ये दरोडा व जबरी चोरीचे गुन्हे दाखल आहेत.
दरम्यान, कोकणे यांनी सहायक पोलिस निरीक्षक सागर कुंजीर, पोलिस नाईक चंद्रकांत ढवळे, पोलिस कॉन्स्टेबल तोफिक काझी यांचे पथक संबंधित ठिकाणी पाठवले.पथकाने पारेवाडीच्या शिवारात सापळा लावून काळेला ताब्यात घेतले.
ही कारवाई, पोलिस अधीक्षक तेजस्वी सातपुते, अप्पर पोलिस अधीक्षक हिम्मतराव जाधव, उपविभागीय पोलिस अधिकारी डॉ. विशाल हिरे यांच्या मार्गदर्शनाखाली करमाळा पोलिसांनी ही कामगिरी केली आहे.
