अमेरिका: जागतिक तंत्रज्ञान क्षेत्रातील आघाडीची कंपनी असलेल्या Nvidia चे CEO जेनसन हुआंग सध्या चर्चेचा विषय ठरले आहेत. एका चिनी महिला उद्योजकाशी त्यांचे प्रेमसंबंध असल्याच्या बातम्या समोर आल्यानंतर टेक क्षेत्रात मोठी चर्चा सुरू झाली. या महिलेला चिनी गुप्तहेर असल्याचेही वृत्तात म्हटले आहे. या सर्व घडामोडींच्या पार्श्वभूमीवर जेनसन हुआंग यांनी 12 नोव्हेंबर रोजी Nvidia च्या CEO पदाचा राजीनामा दिला आहे.
दिलेल्या माहितीनुसार, हुआंग यांनी पद सोडल्यानंतर कंपनीच्या मुख्य आर्थिक अधिकारी (CFO) कॉलेट क्रेस यांच्याकडे अंतरिम नेतृत्वाची जबाबदारी देण्यात आली आहे. कंपनीकडून नवीन पूर्णवेळ CEO चा शोध घेतला जाणार असल्याचेही सांगण्यात आले आहे.
टेक इंडस्ट्रीत चर्चांना उधाण
जेनसन हुआंग यांनी Nvidia ला आर्टिफिशियल इंटेलिजन्स (AI) क्षेत्रातील आघाडीची कंपनी बनवण्यात महत्त्वाची भूमिका बजावली आहे. त्यामुळे त्यांच्या राजीनाम्याच्या वृत्तामुळे जागतिक चिप आणि AI उद्योगात चर्चांना सुरुवात झाली आहे. कंपनीच्या आगामी योजना आणि बाजारपेठेतील स्थानावर याचा काय परिणाम होणार, याकडे गुंतवणूकदारांचे लक्ष लागले आहे.
कोण आहेत कॉलेट क्रेस?
कॉलेट क्रेस या Nvidia मध्ये CFO म्हणून काम पाहतात. दिलेल्या वृत्तानुसार, हुआंग यांच्या जागी त्या अंतरिम CEO म्हणून जबाबदारी सांभाळणार आहेत. कंपनीकडून कायमस्वरूपी CEO नियुक्त करण्याची प्रक्रिया सुरू राहणार आहे.
जेनसन हुआंग हे Nvidia चे सहसंस्थापक आहेत. कंपनीमध्ये त्यांची 3.61 टक्के भागीदारी असल्याचे सांगितले जाते. कंपनीतील मोठ्या गुंतवणूकदारांमध्ये त्यांचा समावेश होतो. राजीनाम्यानंतर ते संचालक मंडळातही राहणार नसल्याचा दावा करण्यात आला आहे.
