Akola Single Boy’s Viral Later: अकोला जिल्ह्यातील एका तरुणाने लग्न होत नसल्यामुळे राष्ट्रवादी काँग्रेसचे नेते शरद पवार ( NCP Sharad Pawar) यांना पत्र लिहून, ‘मला लग्नासाठी मुलगी मिळवून द्या, मी तुमचे उपकार विसरणार नाही’, असे साकडे घातल्याचे समोर आले आहे. अकोला येथे शनिवारी पवारांनी शेतकरी संवाद मेळाव्याला हजेरी लावली होती. त्यावेळी उपस्थित नागरिकांनी पवारांना निवेदनं दिली. त्यामध्ये सिंगल असलेल्या या लग्नाळू तरुणानेही पत्राद्वारे त्यांना साकडं घातलं.
राज्यातील ग्रामीण भागातील मुलांचे लग्न होत नसल्याचे अनेकदा वृत्त समोर आले आहे. मात्र आता अशातच अकोल्यात या तरुणाने दिलेल्या अजब निवेदनामुळे हा विषय पुन्हा चर्चेत आला आहे. या निवेदनात त्याने पत्ता आणि मोबाईल नंबरहि दिला आहे. हे वाचून पवारांसह व्यसपीठावरील सर्व नेतेमंडळीही अवाक झाली. या तरुणाचं पत्र सध्या सोशल मीडियावर मोठ्या प्रमाणात व्हायरल होत आहे.
या पत्रात नेमकं काय? (Akola Single Boy’s Viral Later)
“माझं वय वाढतय. भविष्यात माझे लग्न होणार नाही. मी एकटाच राहीन. तरी माझ्या जीवनाचा विचार करुन मला पत्नी मिळवून द्यावी. मला कोणत्याही समाजातली मुलगी चालेल मी तिच्याशी लग्न करेल. मी तिच्या घरीही राहायला तयार आहे. तिथच चांगल कामहि करीन आणि संसारही नीट चालवीन, याची हमी मी देतो”. तुमचे उपकार मी विसरणार नाही”, असे या लग्नाळू तरुणाने पवारांना दिलेल्या निवेदनात म्हटले आहे.
