Akola Crime: अकोला. ता. 24 चारित्र्याच्या संशयावरून पतीने आपल्या पत्नीची हत्या केल्याची धक्कादायक घटना उघडकीस आली आहे. ही घटना महाराष्ट्रातील अकोला जिल्ह्यात घडली. या घटनेनंतर परिसरात एकच खळबळ उडाली आहे. पोलिसांनी या घटनेतील आरोपीला ताब्यात घेतले आहे. (Akola Crime)
मिळालेल्या माहितीनुसार, अकोला जिल्ह्यातील अकोट फैल पोलीस स्टेशन हद्दीतील राजून नगर भागात ही घटना घडली. शेख राजू शेख निजाम असं आरोपीचे नाव आहे. पतीने पत्नीच्या चारित्र्याच्या संशयावरून हत्या केल्याचे उघडले. राजू आणि त्यांच्या पत्नीमध्ये नेहमी भांडण होत होते. तीला नेहमी मारहाण करत असे असं नातेवाईकांनी आरोप केला.
आज सकाळी नेमकं काय घडलं?
आज सकाळी शेख आणि त्यांच्या पत्नीमध्ये भांडण सुरु झालं. त्याने चारित्र्याच्या संशयावरून तिला मारहाण करण्यास सुरुवात केली. भांडणात त्याला राग अनावर झाला आणि स्वयंपाक घरातला चाकू घेऊन तीच्यावर थेट वार केला. या घटनेत त्या गंभीर जखमी झाल्या आणि जागेवर त्यांचा मृत्यू झाला. आरोपीने आपल्या मुलीसमोरचं आईची हत्या केली. ही थरार घटना पाहताच मुलगी घाबरून बाहेर पळाली आणि घटनेची माहिती शेजारच्यांना दिली.
या घटनेची माहिती पोलिसांना मिळताच, घटनास्थळी पोलीस दाखल झाले. त्यांनी मृतदेह ताब्यात घेतला असून शवविच्छेदनासाठी पाठवला. पोलिसांनी आरोपी शेखला ताब्यात घेतले असून त्याच्यावर गुन्हा दाखल केला. या प्रकरणी पोलीस पुढील तपासणी करण्यात येत आहे. लवकरच आरोपीला न्यायालयात हजर करण्यात येईल अशी माहिती पोलीसांकडून देण्यात आली आहे.
