PM Kisan Yojana : मुंबई : देशातील शेतकऱ्यांसाठी राबवण्यात येणारी पंतप्रधान किसान (PM Kisan yojana) सन्मान निधी योजना पुन्हा चर्चेत आली आहे. या योजनेअंतर्गत पात्र शेतकऱ्यांना दरवर्षी 6000 रुपये तीन हप्त्यांमध्ये थेट बँक खात्यात दिले जातात. आतापर्यंत 21 हप्ते शेतकऱ्यांच्या खात्यात जमा झाले आहेत. आता सर्वांचे लक्ष 22 व्या हप्त्याकडे लागले आहे. मागील हप्ता 19 नोव्हेंबर 2025 रोजी वितरित करण्यात आला होता.
ही योजना 2019 मध्ये सुरू करण्यात आली. पंतप्रधान नरेंद्र मोदी यांच्या हस्ते या योजनेचा शुभारंभ झाला होता. थेट लाभ हस्तांतरण पद्धतीने पैसे देणारी ही देशातील मोठी योजना मानली जाते.
मिळालेल्या माहितीनुसार 22 वा हप्ता 24 फेब्रुवारी 2026 रोजी जमा होण्याची शक्यता व्यक्त केली जात आहे. मात्र याबाबत केंद्र सरकारकडून अधिकृत घोषणा झालेली नाही. प्रशासन स्तरावर तयारी सुरू असल्याची माहिती मिळत आहे.
हप्ता मिळवण्यासाठी काही अटी पूर्ण करणे आवश्यक आहे. शेतकऱ्यांनी e-KYC प्रक्रिया पूर्ण केलेली असावी. भू सत्यापन पूर्ण असणे गरजेचे आहे. बँक खाते आधारशी जोडलेले असावे. तसेच बँक खात्याचा IFSC कोड आणि खाते क्रमांक अचूक असणे आवश्यक आहे. यापैकी कोणतीही माहिती अपूर्ण असल्यास हप्ता थांबू शकतो.
उत्तर प्रदेश, बिहार, मध्य प्रदेश, महाराष्ट्र, राजस्थान, गुजरात, तामिळनाडू आणि तेलंगणा या राज्यांमध्ये फारर्मर आयडी (Farmer ID) अनिवार्य करण्यात येत आहे. फारर्मर आयडी नसल्यास लाभ मिळण्यात अडचणी येऊ शकतात.
हप्त्याची स्थिती तपासण्यासाठी अधिकृत संकेतस्थळावर जाऊन आधार क्रमांक किंवा बँक खाते क्रमांक टाकून माहिती पाहता येते. ज्या शेतकऱ्यांना 21 वा हप्ता मिळाला नसेल आणि त्यांनी सर्व प्रक्रिया पूर्ण केली असेल, त्यांना 21 वा आणि 22 वा असे मिळून 4000 रुपये जमा होण्याची शक्यता आहे.
