नांदेड : प्रसिद्ध बांधकाम व्यावसायिक संजय बियाणी यांच्यावर गोळ्या झाडणाऱ्या दुसऱ्या शूटरचा देखील पोलिसांनी ताब्यात घेतले आहे. 5 एप्रिल 2022 रोजी बियाणी यांची दोघांनी गोळ्या झाडून निर्घृण हत्या केली होती. संजय बियाणी यांनी मागितलेली खंडणी न दिल्याने कुख्यात दहशतवादी हरविंदर सिंह याने त्यांची हत्या घडवल्याचे पोलीस तपासात उघड झाले होते.
आतापर्यंत एसआयटीने या प्रकरणात नांदेडमधून एकूण 17 जणांना अटक केली आहे. परंतु , बियाणी यांच्यावर गोळ्या झाडणारे दोघेही फरार होते. सप्टेंबर महिन्यात संजय बियाणी हत्याकांडातील प्रमुख शूटरला अटक करण्यात होती. नांदेड पोलिसांनी त्या शूटरला चंदीगड तुरुंगातून 11 सप्टेंबरला नांदेडमध्ये आणले होते. सध्या तो कारागृहात आहे. त्यानंतर नांदेड पोलिसांना गुरुवारी दुसऱ्या शूटरचाही ताबा मिळाला असून तो अल्पवयीन असल्यामुळे त्याला बालसुधारगृहात ठेवण्यात आले आहे. आता पुढील तपास सुरू असल्याचे नांदेडचे अतिरिक्त पोलीस अधीक्षक अभिनाश कुमार यांनी सांगितले .
