बीड: बीड जिल्ह्यात गेल्या काही (Crime News) काळापासून गुन्हेगारी घटनांमध्ये वाढ (Beed News) होत असल्याचे चित्र आहे. अशातच केज तालुक्यातून (Kej News) आणखी एक धक्कादायक प्रकार (Beed Crime) समोर आला आहे. शेतातील भाजीपाला देण्याचे आमिष दाखवून 35 वर्षीय विधवा महिलेला एकाकी ठिकाणी बोलावून तिच्यावर जबरदस्तीने अत्याचार केल्याची गंभीर घटना उघडकीस आली आहे. या प्रकरणी युसूफवडगाव पोलिसांनी तातडीची कारवाई करत अवघ्या एका तासात आरोपीला अटक केली असून न्यायालयाने त्याला तीन दिवसांची पोलिस कोठडी सुनावली आहे. (Latest Marathi News)
भाजीपाला देण्याच्या बहाण्याने बोलावलं
पोलिसांनी दिलेल्या माहितीनुसार, ही घटना बुधवारी सकाळी साडेनऊच्या सुमारास घडली. आरोपीने पीडित महिलेला शेतात भाजीपाला देण्याचे सांगून तेथे बोलावले होते. महिला शेतात गेल्यानंतर तिच्या एकटेपणाचा फायदा घेत आरोपीने तिच्यावर बळजबरीने अत्याचार केला. अत्याचारानंतर हा प्रकार कुणालाही सांगितल्यास जीवे मारण्याची धमकीही आरोपीने दिल्याचे फिर्यादीत नमूद करण्यात आले आहे.
गुन्हा दाखल
या प्रकरणातील आरोपी मधुकर उर्फ मदन विश्वनाथ म्हस्के (वय 57) याच्याविरोधात गंभीर स्वरूपाचा गुन्हा दाखल करण्यात आला आहे. घटनेनंतर मानसिक धक्का बसला असतानाही पीडित महिलेने धैर्य दाखवत थेट युसूफवडगाव पोलिस ठाण्यात धाव घेतली आणि संपूर्ण प्रकार पोलिसांना सांगितला.
आरोपी ताब्यात
घटनेचे गांभीर्य लक्षात घेऊन सहायक पोलिस निरीक्षक मच्छिंद्रनाथ शेंडगे यांच्या मार्गदर्शनाखाली तपास पथकाने तातडीने हालचाली सुरू केल्या. पोलिस उपनिरीक्षक भीमराव मांजरे, सहायक पोलिस उपनिरीक्षक अमजद सय्यद आणि जमादार मोरे यांनी माहिती संकलन करून आरोपीचा शोध घेतला. गुन्हा दाखल होताच पोलिसांनी वेगाने कारवाई करत आरोपीला अवघ्या एका तासात ताब्यात घेतले.
तपास सुरु
अटक केल्यानंतर आरोपीला न्यायालयात हजर करण्यात आले. तपासासाठी वेळ आवश्यक असल्याचे सांगत न्यायालयाने त्याला तीन दिवसांची पोलिस कोठडी सुनावली आहे. या घटनेमुळे महिलांच्या सुरक्षिततेचा प्रश्न पुन्हा एकदा ऐरणीवर आला असून आरोपीविरोधात कठोर कारवाई केली जाईल, असा विश्वास पोलिसांकडून व्यक्त करण्यात आला आहे. पुढील तपास पोलिस उपनिरीक्षक भीमराव मांजरे करत आहेत.
