Squad For T20 World Cup 2026: आयसीसी पुरुष टी-20 विश्वचषक 2026 ही बहुप्रतिक्षित स्पर्धा आगामी फेब्रुवारी-मार्च महिन्यात भारत आणि श्रीलंका येथे पार पडणार आहे. या मेगा स्पर्धेसाठी भारतीय क्रिकेट नियामक मंडळाने भारताच्या 15 सदस्यीय संघाची अधिकृत घोषणा केली आहे. भारतीय संघाचे नेतृत्व सूर्यकुमार यादवकडे सोपवण्यात आले असून, उपकर्णधारपदाची जबाबदारी अक्षर पटेल याच्याकडे देण्यात आली आहे. तर भारतीय संघाचा स्टार खेळाडू शुभमन गिल (Shubman Gill) याला संघात स्थान दिलेले नाही. शुभमन गिलच्या कामगिरीतील सातत्याच्या अभावामुळे त्याला संघात स्थान न मिळाल्याचे बोलले जात आहे.
मुंबई येथील बीसीसीआय मुख्यालयात आयोजित पत्रकार परिषदेत मुख्य निवडकर्ता अजित आगरकर आणि कर्णधार सूर्यकुमार यादव यांनी संयुक्तपणे संघाची घोषणा केली.
निवड समितीने टी-20 विश्वचषकासाठी अनुभव असलेले आणि युवा खेळाडू यांचा समतोल राखत संघाची निवड केल्याचे म्हटले आहे. आयपीएल तसेच आंतरराष्ट्रीय क्रिकेटमधील सातत्यपूर्ण कामगिरीचा सखोल अभ्यास करून खेळाडूंना संधी देण्यात आल्याचे निवडकर्त्यांनी सांगितले. वेगवान गोलंदाजी, प्रभावी अष्टपैलू खेळाडू आणि आक्रमक फलंदाजी या बाबींवर विशेष भर देण्यात आल्याचे म्हटले जात आहे.
टी-20 विश्वचषक 2026 साठी भारतीय संघ
फलंदाज: सूर्यकुमार यादव (कर्णधार), अभिषेक शर्मा, रिंकू सिंग, तिलक वर्मा
यष्टीरक्षक: संजू सॅमसन, इशान किशन
अष्टपैलू खेळाडू: अक्षर पटेल (उपकर्णधार), शिवम दुबे, हार्दिक पांड्या
फिरकी गोलंदाज: वरुण चक्रवर्ती, वॉशिंग्टन सुंदर कुलदीप यादव,
वेगवान गोलंदाज: जसप्रीत बुमराह, अर्शदीप सिंग, हर्षित राणा
टीम इंडियाचे सामन्यांचे वेळापत्रक
7 फेब्रुवारी – अमेरिका विरुद्ध भारत
12 फेब्रुवारी – नामिबिया विरुद्ध भारत
15 फेब्रुवारी – पाकिस्तान विरुद्ध भारत
18 फेब्रुवारी – नेदरलँड्स विरुद्ध भारत
टी-20 विश्वचषक 2026 मध्ये एकूण 20 संघांचा सहभाग असून, त्यांना चार गटांत विभागण्यात आले आहे. स्पर्धेचा उद्घाटन सामना 7 फेब्रुवारी रोजी पाकिस्तान आणि नेदरलँड्स यांच्यात होणार आहे, तर अंतिम सामना अहमदाबाद येथील नरेंद्र मोदी स्टेडियमवर खेळवण्यात येणार आहे. स्पर्धेतील सामने भारतातील पाच आणि श्रीलंकेतील तीन ठिकाणी आयोजित करण्यात येणार आहेत.
टी-20 विश्वचषक 2026 गटविभागणी
ग्रुप A: भारत, पाकिस्तान, नेदरलँड्स, नामिबिया, अमेरिका
ग्रुप B: श्रीलंका, ऑस्ट्रेलिया, झिम्बाब्वे, आयर्लंड, ओमान
ग्रुप C: इंग्लंड, वेस्ट इंडिज, बांगलादेश, नेपाळ, इटली
ग्रुप D: दक्षिण आफ्रिका, न्यूझीलंड, अफगाणिस्तान, यूएई, कॅनडा
