Pune : आजच्या युगात स्त्रिया पुरुषाच्या खांद्याला खांदा लावून काम करत आहेत. शिक्षिका ते कलेक्टरपर्यंत, नगरसेविका ते पंतप्रधानापर्यंत इ. विविध क्षेत्रांत स्त्रियांनी मानाच्या जागा आपल्या कुशलतेच्या स्वबळावर पटकावल्या आहेत. आज आपण पुणे जिल्हा परिषदेच्या एका हिरकणीची माहिती जाणून घेणार आहोत. की तिने हरिश्चंद्रगड येथील 1800 फूट कोकणकड्यावर रॅपलिंग करून एक पराक्रम केला आहे. त्यांचे नाव आरती मनोहर ठाकरे असे आहे.
आरती ठाकरे या कडवस्ती (तालुका खेड जिल्हा पुणे ) येथील जिल्हा परिषद प्राथमिक शाळेत शिक्षिका म्हणून काम करतात. त्यांना रॅपलिंगची खूप आवड आहे. मी फिट माझी शाळा फिट या संकल्पनेतून त्यांनी हरिश्चंद्रगड कोकणकड्यावर रॅपलिंग करण्याचा निर्णय घेतला होता. ठाकरे यांनी हरिश्चंद्रगड येथील 1800 फूट चा कोकणकडा रॅपलिंगच्या एडवेंचर प्रकार करून पार केला आहे.
हरिश्चंद्रगड कोकणकडा, नुसतं बघताच काळजात धडकी भरवणारा आहे. हा कोकणकडा अतिशय थरारक अनुभव डोळ्यांना देतो. तेथे असलेले उंचीवरील धुके आणि वाऱ्याचा वेग या प्रचंड प्रतिकूल परिस्थितीमध्ये आरती ठाकरे यांनी हा थरारक एडवेंचर पार केला आहे. हा कडा पार करून त्यांनी महाराष्ट्रातील पहिल्या महिला शिक्षिका ठरल्या आहेत. पुणे झेडपीच्या शिक्षकांसमोर त्यांनी एक वेगळा आदर्श निर्माण केला आहे.
रॅपलिंग म्हणजे काय?
रॅपलिंग म्हणजे दोरीच्या साहाय्याने उंच ठिकाणाहून (उदा. डोंगर, कडा, धबधबा) नियंत्रित पद्धतीने खाली उतरण्याची एक साहसी गिर्यारोहण क्रिया आहे, ज्यात घर्षण वापरून उतारावर नियंत्रण मिळवले जाते, हे गिर्यारोहण आणि बचाव कार्यांमध्ये वापरले जाते. यासाठी दोरी, हार्नेस , आणि रॅपेल उपकरण यांसारख्या साधनांची आवश्यकता असते आणि हे तंत्र पर्वतांवरून सुरक्षितपणे खाली उतरण्यासाठी वापरले जाते.
