Pune News : पुणे जिल्हा परिषदेच्या यशवंतराव चव्हाण कला क्रीडा व सांस्कृतिक महोत्सवाअंतर्गत आयोजित करण्यात आलेल्या दौंड तालुकस्तरीय क्रीडा स्पर्धेत पांढरेवाडी (ता. दौंड) येथील जिल्हा परिषद प्राथमिक शाळेचे घवघवीत यश संपादन केले आहे. शाळेची विद्यार्थिनी अक्षरा विलास जगताप हिने बेडूक उडी स्पर्धेत तालुक्यात प्रथम क्रमांक मिळवला आहे. तसेच खो-खो व लगंडी स्पर्धेत विद्यार्थ्यांनी चमकदार कामगिरी केली आहे. (Pune News)
माळेवाडी -भाऊसाहेबनगर (ता. दौंड ) येथील कै. भाऊसाहेब भागवत माध्यमिक विद्यालयात तालुकास्तरीय शालेय क्रिडा स्पर्धा मंगळवारी (ता. 16) पार पडल्या. या स्पर्धेत तालुक्यातील शेकडो शाळा सहभागी झाल्या होत्या. शाळेची विद्यार्थिनी अक्षरा विलास जगताप हिने बेडूक उडी स्पर्धेत प्रथम मिळवला. तर खोखो (लहान गट) स्पर्धेत सुवर्ण पदक पटकावले आहे. खोखो संघाची जिल्हा स्तरीय स्पर्धेसाठी निवड झाली आहे. (Pune News)
दरम्यान, पाचवी व सातवीच्या गटात मुलींचा लंगडी संघ तालुक्यात उपविजेता ठरला आहे. तर मुलांच्या खोखो संघाला तृतीय क्रमांकावर समाधान मानावे लागले आहे. विजेत्या संघाला आणि स्पर्धकांना दौंडचे गटशिक्षणाधिकारी संजय महाजन यांच्याहस्ते प्रशस्तिपत्र आणि चषक देऊन गौरविण्यात आले.
विजेत्या खेळाडूंना शाळेचे मुख्याध्यापकनवनाथ बोंगाळे, शिक्षक रामगुडे , अविनाश अडसूळ, छाया साळवे पगारे ,उज्वला जगताप ,उर्मीला गुजर व महेंद्र भोसले यांचे बहुमुल्य मार्गदर्शन मिळाले. शाळेच्या या यशाबद्दल शाळा व्यवस्थापन समितीचे अध्यक्ष विकास निंबाळकर यांनी सर्व खेळाडू आणि शिक्षकांचे अभिनंदन केले. व यशस्वी खेळाडूंना पुढील वाटचालीसाठी शुभेच्छा दिल्या.
