पुणे : सिंहगड कॉलेज कॅम्पस (Pune News) परिसरात महाविद्यालयीन विद्यार्थ्यांना लक्ष्य (Pune Crime) करून बेकायदेशीर हुक्का पार्लर चालवल्याचा धक्कादायक प्रकार समोर आला आहे. कॅम्पसजवळील एका फ्लॅटमध्ये सुरू असलेल्या हुक्का पार्लरसह जवळच्या हॉटेलमध्ये दिल्या जाणाऱ्या हुक्का (Hikkah Parlour In Pune) सर्व्हिसवर भारती विद्यापीठ पोलिसांनी अचानक धडक कारवाई केली. या कारवाईत तिघांविरुद्ध गुन्हा दाखल करण्यात आला आहे. यामध्ये सौरभ प्रकाश फडके (वय 27, रा. आसावरी कुंज अपार्टमेंट, नवले पूलजवळ, वडगाव बुद्रुक), प्रितम अरुण कोयले (वय 32, रा. टेल्को कॉलनी, दत्तनगर, आंबेगाव, कात्रज) आणि प्रतीक जयंत गोळे (वय 34, रा. गुरुवार पेठ) यांचा समावेश आहे. (Pune Breaking News)
पोलिसांनी दिलेल्या माहितीनुसार, सिंहगड कॉलेज कॅम्पसजवळील पायगुडे इमारतीतील फ्लॅटमध्ये विद्यार्थ्यांना हुक्का दिला जात असल्याची माहिती पोलिसांना मिळाली होती. त्यानुसार पोलिस पथकाने येथे छापा टाकला असता, सौरभ फडके आणि प्रितम कोयले हे आर्थिक फायदा मिळवण्यासाठी विविध फ्लेवर्सच्या हुक्का विद्यार्थ्यांना देत असल्याचं समोर आलं. या दोघांकडून हुक्का पात्र, सुगंधी तंबाखू आणि इतर साहित्य असा मुद्देमाल जप्त करण्यात आला.
याच तपासादरम्यान पोलिसांना सिंहगड कॅम्पसनजिक असलेल्या रूट 24 हॉटेलमध्येही हुक्का पुरवला जात असल्याची माहिती मिळाली. पोलिसांनी तिथे छापा मारल्यानंतर, प्रतीक गोळे हा विद्यार्थ्यांना हुक्का पुरवत असल्याची माहिती मिळाली. हॉटेलमधूनही हुक्क्याच्या साहित्याचा मोठा मुद्देमाल जप्त करण्यात आला आहे.
