Pune Election: पिंपरी : पिंपरी-चिंचवड महापालिकेची आगामी निवडणूक शांततेत पार पाडण्यासाठी पोलिस प्रशासनाने कडक पावले उचलण्यास सुरुवात केली आहे. निवडणुकीच्या पार्श्वभूमीवर शहरात कायदा आणि सुव्यवस्था अबाधित राहावी यासाठी सराईत गुन्हेगारांवर तडीपारीची कारवाई करण्यात आली आहे. नोव्हेंबर महिन्यात एकूण 35 गुन्हेगारांवर ही कारवाई करण्यात आली असून या सर्वांवर गंभीर स्वरूपाचे गुन्हे दाखल आहेत. (Pune Election)
पोलिसांनी दोन वर्षांसाठी तडीपार केलेल्या गुन्हेगारांमध्ये निगडी, थेरगाव, मावळ, वाकड, देहूरोड, दिघी, भोसरी, खेड, चिखली आणि आळंदी परिसरातील गुन्हेगारांचा समावेश आहे. या व्यक्तींवर मारहाण, दहशत, धमकी, बेकायदेशीर वसुली यासारखे गुन्हे दाखल असल्याचे पोलिसांकडून सांगण्यात आले. तसेच काही गुन्हेगारांना एक वर्षासाठी तर काहींना सहा महिन्यांसाठी तडीपार करण्यात आले आहे.
एक वर्षासाठी तडीपार करण्यात आलेल्या गुन्हेगारांमध्ये पिंपरी, पिंपळे गुरव, तळेगाव दाभाडे, खेड, भोसरी एमआयडीसी, डुडुळगाव आणि जुन्नर परिसरातील व्यक्तींचा समावेश आहे. तर सहा महिन्यांसाठी रावेत, धानोरी, ताथवडे, भोसरी आणि चाकण परिसरातील गुन्हेगारांवर कारवाई करण्यात आली आहे.
महापालिका निवडणुकीसाठी 15 जानेवारी रोजी मतदान होणार आहे. या निवडणुकीदरम्यान कोणताही अनुचित प्रकार घडू नये यासाठी पोलिसांकडून सूक्ष्म नियोजन करण्यात येत आहे. निवडणूक काळात वातावरण बिघडवू शकणाऱ्या व्यक्तींची माहिती गोळा केली जात असून त्यावर लक्ष ठेवले जात आहे.
दोन वर्षांसाठी तडीपार आरोपींची नावे-
आयुब चमन खान, विशाल उर्फ ढंगाल्या रामधन खरात, रोहन उर्फ गंग्या वासुदेव वाघमारे, मयूर सुहास मुन्हे, यशोदास विजय राठोड, आकाश रवी मेनावत ,ऋतिक बन्सी ढसाळ, गौरव उर्फ बॉक्सर बन्सी ढसाळ, रोहित महादेव सोनवणे, धीरज दादा वाघमारे, अमन, अगीन शेख, मंगलसिंग पोलादसिंग भोंड, अशोक उर्फ नन्या सोतल गंधिने, रोहित बापू पारवे,बालाजी शिंदे, अरुण अनिल गोटे, नितीन, पोपट तांबे, विक्रांत विठ्ठल राऊत, योगेश दत्ता लहाने, केतन प्रकाश शिंदे
एक वर्षासाठी तडीपार आरोपींची नावे-
आकाश अतुल कदम, शुभम उर्फ सोन्या सुनील गायकवाड, अनिकेत दत्ता वाघमारे, शुभम बबन नावळे, प्रशांत अरुण दुबे, गब्बर राजपूत,परशुराम प्रदीप ढेपे, हरिओम लक्ष्मण जोगदंड, पायल रोहित कुंभार, सनी विजय शहा
सहा महिन्यांसाठी तडीपार आरोपींची नावे-
गंगाधर देवेंद्र नाटेकर, अजय सुखदेव माने, अर्जुन पूनम कुंभार, सागर उर्फ रत्नदीप सत्यवान कांबळे राजकुमार राममूरत बिंद
पोलिसांनी तयार केलेल्या 159 महत्त्वाच्या गुन्हेगारी प्रवृत्तीच्या व्यक्तींच्या यादीत काही राजकीय संबंध असलेल्या व्यक्तींचाही समावेश आहे. निवडणूक शांततेत पार पाडणे हेच पोलिसांचे मुख्य उद्दिष्ट असल्याचे प्रशासनाने स्पष्ट केले आहे.
