लोणी काळभोर, ता. 23: फोनवर मोठ्या आवाजात बोलत असल्याच्या कारणावरून चालकाला मारहाण केल्याची घटना घडली आहे. ही घटना थेऊर (ता. हवेली) ग्रामपंचायत हद्दीतील कुक्कुड-कु चिकन सेंटरच्या जवळ रविवारी (ता.21) सायंकाळी साडेसहा वाजण्याच्या सुमारास घडली आहे. लोणी काळभोर पोलीस ठाण्यात 5 जणांवर विविध कलमान्वये गुन्हा दाखल करण्यात आला आहे. (Theur Crime)
विजय राजु जाधव (वय 41), उमा जाधव (वय 38), लिलाबाई जाधव (वय 58), वैभव ऊर्फ गोट्या सावंत (वय 25) व शबनम जाधव (वय 28, सर्व रा. चव्हाण वस्ती थेऊर ता. हवेली जि. पुणे) अशी गुन्हा दाखल करण्यात आलेल्या आरोपींची नावे आहेत. याप्रकरणी अमर जयसिंग जाधव (वय-32, रा. पॉवर हाऊसच्या मागे, जाधव वस्ती, थेऊर ता. हवेली जि. पुणे) यांनी लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी अमर जाधव हे त्यांचे मावसभाऊ गणेश जाधव यास थोड्या मोठ्या आवाजात फोनवर बोलत होते. तेव्हा तेथे जवळच असलेल्या विजय जाधव याची पत्नी उमा जाधव फिर्यादी अमर जाधव यांना म्हणाल्या कि, तुम्ही इथं मोठ्या आवाजात बोलू नका, लांब जाऊन बोला” त्यावर फिर्यादी अमर जाधव म्हणाले की, मी तुम्हाला बोलत नाहीये, माझा कॉल चालु आहे.
परंतु, काहीही न ऐकता विजय जाधव, त्याची पत्नी उमा जाधव, लिलाबाई जाधव, वैभव ऊर्फ गोट्या सावंत व शबनम जाधव या सर्वांनी मिळून फिर्यादी अमर जाधव यांना शिवीगाळ करुन, लाथाबुक्क्यांनी मारहाण केली व थांब तुला दाखवतोच असे म्हणून धमकी दिली.
दरम्यान, शबनम जाधव हिने दगडे फेकून मारल्याने फिर्यादी अमर जाधव यांच्या पोटावर व गुडघ्यावर मार लागलेला आहे. याप्रकरणी अमर जाधव यांनी लोणी काळभोर पोलीस ठाण्यात फिर्याद दिली आहे. त्यानुसार वरील पाचही जणांच्या विरोधात भारतीय न्याय संहीता कलम 125,125 (अ), 115 (2), 352, 351(2) (3),189(2),191(2२),190 प्रमाणे गुन्हा दाखल करण्यात आला आहे.
पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली पोलीस उपनिरीक्षक दिगंबर सोनटक्के करत आहेत.
