Pune Nagpur Railway: पुणे: रेल्वे प्रशासनाने प्रवाशांच्या सोयीसाठी एक महत्त्वाचा निर्णय घेतला आहे. मध्य रेल्वेने वाढती प्रवासी गर्दी लक्षात घेता पुणे-नागपूर, हडपसर-नागपूर आणि हडपसर-राणी कमलापती या मार्गांवर विशेष रेल्वे गाड्या चालवण्याचा निर्णय जाहीर केला आहे. या विशेष गाड्यांमुळे सणासुदीच्या काळात प्रवास करणाऱ्या प्रवाशांना मोठा दिलासा मिळणार आहे. या गाड्या जळगाव जिल्ह्यातील चाळीसगाव, पाचोरा, जळगाव आणि भुसावळ या महत्त्वाच्या स्थानकांवर थांबणार असल्याने या मार्गावरील प्रवाशांनाही फायदा होणार आहे. Pune Nagpur Railway Timetable
रेल्वेने या विशेष गाड्यांचे वेळापत्रक जाहीर केले असून प्रवाशांना अधिकृत संकेतस्थळावर तसेच एनटीईएस अॅपवरून सविस्तर माहिती मिळू शकणार आहे. एकूण 3 विशेष गाड्या आणि 22 फेऱ्या या कालावधीत धावणार आहेत.
पुणे-नागपूर विशेष रेल्वे क्रमांक 01419 ही गाडी 27, 29, 31 डिसेंबर आणि 3 जानेवारी रोजी सायंकाळी 8.30 वाजता पुण्याहून सुटणार असून दुसऱ्या दिवशी पहाटे 2.05 वाजता नागपूरला पोहोचेल. तर 01420 ही गाडी 28, 30 डिसेंबर तसेच 1 आणि 4 जानेवारी रोजी नागपूरहून दुपारी 4 वाजता सुटून दुसऱ्या दिवशी सकाळी 11.45 वाजता पुण्याला पोहोचणार आहे. ही गाडी दौंड कॉर्ड लाईन, अहिल्यानगर, बेलापूर, कोपरगाव, मनमाड, चाळीसगाव, पाचोरा, जळगाव, भुसावळ, मलकापूर, शेगाव, अकोला, मुर्तिजापूर, बडनेरा, धामणगाव आणि वर्धा या स्थानकांवर थांबेल.
हडपसर-नागपूर विशेष गाडी क्रमांक 01222 ही 28, 30 डिसेंबर आणि 1, 4 जानेवारी रोजी हडपसरहून दुपारी 3.50 वाजता सुटून सकाळी 6.30 वाजता नागपूरला पोहोचेल. या गाडीच्या एकूण 8 फेऱ्या होणार आहेत. तर 01221 ही गाडी 26, 29, 31 डिसेंबर आणि 2 जानेवारी रोजी नागपूरहून हडपसरकडे धावणार आहे.
हडपसर-राणी कमलापती विशेष गाडी क्रमांक 02155 ही 18 डिसेंबर ते 11 जानेवारी या कालावधीत प्रत्येक रविवारी सकाळी 7.50 वाजता सुटून रात्री 11.40 वाजता राणी कमलापती येथे पोहोचेल. तर 02156 ही गाडी प्रत्येक शनिवारी सकाळी 8.40 वाजता राणी कमलापतीहून सुटून दुसऱ्या दिवशी पहाटे हडपसरला पोहोचणार आहे. या विशेष गाड्यांमुळे प्रवाशांचा प्रवास अधिक सोयीस्कर होणार आहे.
