लोणी काळभोर, ता. 15 : लोणी काळभोर (ता. हवेली) येथील महावीर निवासी मतिमंद विद्यालयाच्या विद्यार्थ्यांनी अथलेटिक्स स्पर्धेत सुवर्ण कामगिरी केली आहे. धावणे या क्रीडा प्रकारात विद्यालयाचे 6 विद्यार्थी चमकले आहेत. त्यामुळे विद्यालयाचे व विद्यार्थ्यांचे सर्वत्र कौतुक होत आहे.
पुण्यातील बाबुराव सणस मैदानावर नुकत्याच खासदार क्रीडा अथलेटिक्स स्पर्धा पार पडल्या. या स्पर्धेत दिव्यांगांसाठी 50 व 100 मीटर धावण्याच्या स्पर्धा आयोजित केल्या होत्या. या स्पर्धेत जिल्ह्यातील अनेक शाळांनी सहभाग घेतला होता. या स्पर्धेत महावीर निवासी मतिमंद शाळेतील विद्यार्थीही सहभागी झाली होती. 50 मीटर धावणे स्पर्धेत भक्ती चौधरी हिने प्रथम तर 100 मीटर धावणे स्पर्धेत केतन जगताप याने प्रथम क्रमांक मिळविला आहे.
100 मीटर धावणे स्पर्धेत भक्ती चौधरी-द्वितीय, 50 मीटर धावणे स्पर्धेत केतन जगताप-द्वितीय क्रमांक, तर परी इंगोळकर व लक्ष्मी कांबळे या दोघींही तृतीय क्रमांक पटकाविला आहे. प्रमुख पाहुण्यांच्या हस्ते मुलांना प्रशस्तीपत्र, ट्रॉफी व बक्षीस देऊन गौरविण्यात आले. विजेत्या खेळाडूंना क्रीडा शिक्षक कमलाकर ढवळे यांचे बहुमुल्य मार्गदर्शन मिळाले.
दरम्यान, विजेत्या खेळाडूंचे संस्थेचे अध्यक्ष शशिकांत धुरदेव व शाळेच्या मुख्याध्यापिका अर्चना धुरदेव यांच्या हस्ते सत्कार करण्यात आला. तसेच विद्यार्थ्यांना पुढील वाटचालीसाठी शुभेच्छा देण्यात आल्या. विजेत्या स्पर्धेकांवर लोणी काळभोरसह परिसरातील नागरिकांकडून भरभरून कौतुक होत आहे. खेळाडूंच्या या कामगिरीमुळे शाळेचा मान
जिल्ह्यात उंचावला आहे.
