लोणी काळभोर: कदमवाकवस्ती (ता.हवेली) येथील एका अट्टल (Loni Kalbhor News) गुन्हेगाराला महाराष्ट्र धोकादायक क्रियाकलाप प्रतिबंधक कायदा, 1981 प्रमाणे एक वर्षासाठी अमरावती कारागृहात स्थानबध्द करण्यात आले आहे. अशी माहिती लोणी काळभोर पोलीस ठाण्याचे वरिष्ठ (Pune Crime) पोलीस निरीक्षक राजेंद्र पन्हाळे यांनी दिली आहे. (Latest Marathi News)
सद्दाम इरफान अन्सारी (वय-21 इंदिरानगर, कदमवाकस्ती, लोणी काळभोर, ता, हवेली, जि, पुणे) असे स्थानबध्द करण्यात आलेल्या गुन्हेगाराचे नाव आहे.
पोलिसांनी दिलेल्या माहितीनुसार, पोलीस शहर पोलीस आयुक्त अमितेश कुमार यांनी आयुक्तालयाच्या हद्दीत कायदा व सुव्यवस्थेचा प्रश्न निर्माण होऊ नये, त्याचप्रमाणे पुणे शहरातील जनतेचे रक्षण व्हावे. तसेच कोणत्याही प्रकारचा अनुचित प्रकार घडू नये. याकरीता पुणे शहरातील टोळी गुन्हेगार, लोखंडी कोयते वापरुन गुन्हे करणारे सराईत गुन्हेगार, बेकायदेशीर मटका जुगार धंदे करणारे, अंमली पदार्थ विक्रीचे रॅकेट चालविणारे, झोपडपट्टी दादा, हातभट्टीवाले. पोलीस अभिलेखावरील टोळीतील गुंड, दरोडा, जबरी चोरी तसेच शरीर व मालमत्ते विरुध्द गुन्हे करणारे व लोकांमध्ये दहशत करणारे सराईत गुन्हेगारांच्या हालचालींवर नजर ठेवणे. त्यांच्या विरुध्द ठोस व परिणामकारक कारवाई करुन त्यांचे समुळ उच्चाटन करण्याबाबत पोलिसांना आदेश दिले आहेत.
सद्दाम अन्सारी हा लोणी काळभोर पोलीस ठाण्याच्या हद्दीतील एक सराईत गुन्हेगार आहे. पोलिस प्रशासनाकडून त्याच्यावर वेळोवेळी कारवाई करण्यात आली आहे. परंतु, तो प्रतिबंधक कारवाईस न जुमानता सातत्याने घातक धारदार हत्यारांनी इच्छापुर्वक जबर दुखापत पोहचवणे, बेकायदेशीर जमाव जमवून दंगा करणे, बेकायदेशिरपणे घातक शस्त्र जवळ बाळगणे, घातक हत्याराच्या जोरावर दहशत पसरविणे अशा प्रकारचे गुन्हेगारी कृत्य राजरोसपणे करीत होता. त्याला पुणे शहरातुन हद्दपारदेखील करण्यात आले होते. परंतु, तो गुन्हेगारी कृत्य करुन सार्वजनिक सुव्यवस्थेत बाधक असलेली कृत्ये करत होता.
सद्दाम अन्सारी याच्यावर कायद्याचा वचक बसावा. म्हणून लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांनी एम.पी.डी.ए. कायदयान्वये स्थानबध्द करण्याबाबतचा प्रस्ताव तयार करुन पोलिस उपायुक्त डॉ. डॉ. राजकुमार शिंदे यांच्यामार्फत पोलिस आयुक्त अमितेश कुमार यांच्याकडे पाठविला होता. अमितेश कुमार यांनी या प्रस्तावाला मंजुरी देऊन सद्दाम अन्सारी अमरावती मध्यवर्ती कारागृह येथे एक वर्षासाठी स्थानबध्द करण्याचे आदेश दिले आहेत. त्यानुसार लोणी काळभोर पोलिसांनी सद्दाम अन्सारी याची अमरावती कारागृहात रवानगी केली आहे.
ही कामगिरी पुणे शहर पोलिस आयुक्त अमितेश कुमार, पोलीस सह आयुक्त रंजन कुमार शर्मा, अपर पोलीस आयुक्त मनोज पाटील,पोलीस उप आयुक्त डॉ. राजकुमार शिंदे, सहाय्यक पोलीस आयुक्त अनुराधा उदमले यांच्या मार्गदर्शनाखाली लोणी काळभोर पोलिस ठाण्याचे वरिष्ठ पोलिस व निरीक्षक राजेंद्र पन्हाळे, पोलीस निरीक्षक, (गुन्हे) स्मिता पाटील, पोलिस उपनिरीक्षक उदय काळभोर, पोलीस हवालदार सुनिल नागलोत, तेज भोसले, पोलीस अंमलदार प्रशांत नरसाळे, दिपक सोनवणे व महिला पोलीस अंमलदार योगिता भोसुरे यांच्या पथकाने केली आहे
