लोणी काळभोर: पुणे सोलापूर राष्ट्रीय महामार्गावरून (Loni Kalbhor News) रस्ता ओलांडताना भरधाव वेगाने चाललेल्या दुचाकीने महिलेला जोरदार धडक दिल्याची घटना घडली आहे. ही घटना लोणी काळभोर (ता. हवेली) ग्रामपंचायत हद्दीतील बोरकरवस्तीजवळ असलेल्या राजलक्ष्मी (Pune Crime) कार्यालयाचे समोर शुक्रवारी (ता.26) सायंकाळी साडेसहा (Pune Accident) वाजण्याच्या सुमारास घडली आहे. या अपघातात महिला गंभीर जखमी झाली आहे तर दुचाकीचालकावर गुन्हा दाखल करण्यात आला आहे. (Latest Marathi News)
सुनिता किसन शिंदे (वय 34, सध्या राहणार घोरपडेवस्ती, लेन नं. 6. कदमवाकवस्ती, ता. हवेली, जि. पुणे. मुळ रा. , पाटस, ता. दौंड, जि. पुणे) असे अपघातात जखमी झालेल्या महिलेचे नाव आहे. त्यांच्यावर लोणी काळभोर येथील एका बड्या रुग्णालयात उपचार सुरु आहेत. तर आनंद विठ्ठल काकडे, वय 20, लोणी काळभोर, ता. हवेली, जि. पुणे, मुळ रा. वागदरी, ता. श्रीगोंदा, जि. अहमदनगर) असे गुन्हा दाखल करण्यात आलेल्याचे नाव आहे.
पोलिसांनी दिलेल्या माहितीनुसार, फिर्यादी सुनिता शिंदे व त्यांचे नातेवाईक रिक्षातून उतरुन पुणे सोलापूर राष्ट्रीय महामार्ग ओलांडत होते. तर आनंद काकडे हा दुचाकी घेऊन सोलापूरकडून पुण्याच्या दिशेने चालला होता. त्याने सुनिता शिंदे यांना जोराची धडक दिली. या अपघातात सुनिता शिंदे यांच्या पाठीमागे मार लागून जखमी झाल्या होत्या. त्यांना लोणी काळभोर येथील रुग्णालयात उपचारासाठी दाखल करण्यात आले आहे.
आनंद काकडे याने त्याच्या ताब्यातील मोटारसायकल हयगयीने, अविचाराने, बेदरकारपणे व वाहतुकीचे नियमांकडे दुर्लक्ष करून सुनिता शिंदे यांना जोराची धडक दिली. सुनिता शिंदे यांच्या जखमीस व अपघातास कारणीभूत ठरला आहे. अशी फिर्याद सुनिता शिंदे यांनी लोणी काळभोर पोलीस ठाण्यात दिली आहे. त्यानुसार आनंद काकडे याच्यावर भारतीय न्याय संहिता कलम 281,125(अ) 125(2), मोटार वाहन कायदा कलम 184, 119/177 प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली पोलीस हवालदार निलेश कोल्हे करत आहेत.
