मुंबई: सोनं आणि चांदी खरेदी करण्याची तयारी करणाऱ्या ग्राहकांसाठी महत्त्वाची बातमी आहे. गेल्या 2 दिवसांत मौल्यवान धातूंच्या किमतीत मोठी घसरण नोंदवण्यात आली आहे. सोन्याचा दर 1,700 रुपयांनी, तर चांदीचा दर तब्बल 11,000 रुपयांनी कमी झाल्याची माहिती समोर आली आहे. सणासुदीच्या काळात दर कमी झाल्याने खरेदीदारांना काहीसा दिलासा मिळाला आहे.
मिळालेल्या माहितीनुसार, सोन्याचा दर आधी 1,48,000 रुपये होता. तो आता 1,46,700 रुपयांवर आला आहे. त्याचप्रमाणे चांदीचा भाव 2,29,000 रुपयांवरून घसरून 2,18,000 रुपये झाला आहे.
आंतरराष्ट्रीय बाजारात डॉलरची स्थिती, सरकारी रोख्यांवरील परतावा आणि कच्च्या तेलाच्या किमती यांचा सोन्या-चांदीच्या दरांवर परिणाम होत असतो. डॉलर कमकुवत झाल्यास इतर चलनांमध्ये सोने खरेदी करणे तुलनेने स्वस्त ठरू शकते.
सोन्या-चांदीच्या किमतींमध्ये पुढील काळात पुन्हा चढ-उतार होऊ शकतात. डॉलरची दिशा, जागतिक आर्थिक परिस्थिती आणि गुंतवणूकदारांची मागणी यावर दर अवलंबून असतील. त्यामुळे खरेदी करण्यापूर्वी आजचे स्थानिक दर, जीएसटी आणि घडणावळ यांची माहिती घेणे ग्राहकांसाठी महत्त्वाचे ठरेल.
