Pune Crime: पुणे ता. 25: पुण्यात शेअर बाजारात जास्त परताव्याचे आमिष दाखवून नागरिकांची करोडोंची फसवणूक करणाऱ्या सायबर गुन्हेगारी रॅकेटचा पर्दाफाश केला आहे. या प्रकरणात महत्त्वाची भूमिका बजावणाऱ्या एका आरोपीला पुणे सायबर पोलिसांनी अटक केली आहे. हा आरोपी आपल्या बँक खात्यात फसवणुकीची रक्कम जमा होऊ देण्यासाठी चोरट्यांना परवानगी देत होता. Pune Crime
हेही वाचा- Pune News: पुणे ‘कॉप 24’ पोलिसांच्या ड्रेसकोडमुळे नागरिकांमध्ये संभ्रम
मिळालेल्या माहितीनुसार, अटक करण्यात आलेल्या व्यक्तीचे नाव अरविंद बाबूलालजी लोढा (55) रा. प्रधिकरण निगडी असे आहे. शिवाजीनगर सायबर पोलीस ठाण्यात नुकतीच या प्रकरणी तक्रार दाखल करण्यात आली होती. पोलिसांनी या प्रकरणातून तपासणीचे वेग फिरवत आरोपीला ताब्यात घेतले. आरोपी सायबर फसवणूक करणाऱ्याची रक्कम जमा होऊ देण्यासाठी आपले बॅंक खाते चोरट्यांचा वापरण्यास देत होता.
एका नागरिकाला शेअर मार्केटमधील गुंतवणुकीवर मोठ्या परताव्याचे आमिष दाखवत 73,69,000 रु. ची फसवणूक करण्यात आली होती. तपासादरम्यान पोलिसांनी आढळून आणले की, या पैकी 30,84,000 रु. इतकी रक्कम दहा वेगवेगळ्या बॅंक व्यवहारांद्वारे आरोपी लोढा यांच्या बँक खात्यात जमा करण्यात आली होती. सायबर चोरटे थेट आपल्या खात्यांमध्ये रक्कम न घेता, “मोठा परतावा मिळेल” किंवा “फायदेशीर काम” असे आमिष देऊन इतरांच्या खात्यांचा वापर करतात अशी माहिती पोलिसांच्या हाती लागली.
अरविंद लोढा हे देखील या सायबर फसवणूकीचा भाग बनले होते. याच पार्श्वभूमीवर पुणे पोलिसांनी आरोपीचा शोध घेऊन त्याला ताब्यात घेतले. या प्रकरणाची पुढील चौकशी पोलीस करत आहे.
