लोणी काळभोर: बंद घराचे कडी-कोयंडे (Pune Crime) तोडून चोरट्यांनी रोख रकमेसह (Pune News) सोन्याच्या दागिन्यांची चोरी केल्याची घटना घडली. ही घटना कदमवाकवस्ती (ता. हवेली) ग्रामपंचायत हद्दीतील कवडी-माळवाडी परिसरात घडली असून गुरुवारी (ता.9) सायंकाळी पाच वाजण्याच्या सुमारास उघडकीस आली आहे.
मिळालेल्या माहितीनुसार, कवडी माळवाडी परिसरातील ही दोन्ही कुटुंबे राहतात. ते त्यांच्या कामानिमित्त घराला कुलूप लावून बाहेरगावी गेले होते. ते घरी आल्यानंतर त्यांना घराचे कुलूप तुटलेल्या अवस्थेत आढळून आले. एकाच्या घरातील अंदाजे 2 तोळ्याचे सोन्याचे दागिने तर दुसऱ्याच्या घरातील अर्धा तोळ्याचे सोन्याचे दागिने आणि 2 हजार 500 रुपयांची रोकड लंपास झाल्याची प्राथमिक माहिती मिळत आहे.
दरम्यान, फिर्यादी हे अद्यापपर्यंत बाहेरगावी असल्याने अद्यापपर्यंत लोणी काळभोर पोलीस ठाण्यात गुन्हा दाखल करण्यात आलेला नाही. मात्र, लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली सहाय्यक पोलीस निरीक्षक कृष्णा बाबर व त्यांच्या सहकाऱ्यांनी कसून तपास सुरु केला आहे.
