पुणे: पुणे महानगरपालिकेच्या (Pune Politics) आगामी निवडणुकीत आंदेकर आणि कोमकर (Pune Crime) कुटुंबांमधील संघर्ष अधिक तीव्र होण्याची चिन्हे दिसत आहेत. पुणे महापालिकेत (Pune Mahapalika Election) आंदेकर विरुद्ध कोमकर असा थेट सामना रंगणार असल्याची चर्चा (Ayush Komkar Murder) सध्या राजकीय वर्तुळात सुरू आहे. गुंड गणेश कोमकर (Andekar Gang) यांची पत्नी कल्याणी कोमकर हिने (Bandu Andekar) मुख्यमंत्री एकनाथ शिंदे यांच्या शिवसेनेतून महापालिका निवडणूक लढवण्याची इच्छा व्यक्त केली आहे. प्रभाग क्रमांक 23 रविवार पेठ आणि नारायण पेठ येथून निवडणूक लढवण्यासाठी कल्याणी कोमकर इच्छुक असून, 19 तारखेला शिवसेना भवन येथे त्यांनी इच्छुक उमेदवार म्हणून मुलाखत दिली आहे. या वेळी नीलम गोऱ्हे आणि रवींद्र धंगेकर यांनी त्यांची मुलाखत घेतली. (Latest Marathi News)
उमेदवारी दिली तर आत्मदहन करेन
दरम्यान, आंदेकर कुटुंबातील कोणालाही उमेदवारी दिली तर आत्मदहन करेन, असा इशारा कल्याणी कोमकर यांनी दिला आहे. दुसरीकडे, आयुष कोमकर यांच्या आईनेही राजकीय पक्षांना भावनिक साद घालत आंदेकर कुटुंबातील व्यक्तींना निवडणुकीचे तिकीट देऊ नये, अशी विनंती केली आहे. माजी नगरसेवक वनराज आंदेकर यांचा नातेवाईक असलेल्या गणेश कोमकर यांचा मुलगा आयुष कोमकर याची काही महिन्यांपूर्वी गोळीबार करून हत्या करण्यात आली होती. या घटनेनंतर पुण्यात मोठी खळबळ उडाली होती.
राजकीय वातावरण तापलं
या हत्याप्रकरणात कुख्यात गुंड बंडू उर्फ सूर्यकांत राणोजी आंदेकर याच्यासह 13 जणांविरोधात खून आणि मकोका अंतर्गत गुन्हा दाखल करण्यात आला आहे. दरम्यान, न्यायालयाने बंडू आंदेकर यांच्या कुटुंबातील माजी नगरसेविका लक्ष्मी आंदेकर आणि सोनाली आंदेकर यांना महापालिका निवडणूक लढवण्याची परवानगी दिली आहे. यामुळे राजकीय वातावरण आणखी तापले आहे.
कचऱ्यात सापडलं तब्बल ‘इतकं’ सोनं अन् नंतर कचरावेचक महिलेने जे केलं ते धक्कादायक
आमच्यावर अन्याय करू नका
आयुष कोमकर यांच्या आईने सांगितले की, आम्हाला न्याय देता येत नसेल तरी आमच्यावर अन्याय करू नका. आंदेकर कुटुंबाला तिकीट दिल्यास मी आत्मदहन करेन, असा इशाराही त्यांनी दिला आहे. पुणे महापालिकेसाठी 15 जानेवारी रोजी मतदान होणार असून 16 जानेवारी रोजी निकाल जाहीर होणार आहे. त्यामुळे या प्रकरणाकडे सर्वच राजकीय पक्षांचे लक्ष लागले आहे.
