अमित मुंडीक
पुणे: पुणे शहर गुन्हे शाखा युनिट-५ यांनी मोठी (Pune Crime) कारवाई करत टिपू पठाण (Pune News) टोळीतील मोका अंतर्गत गुन्ह्यातील दोन पाहिजे आरोपींना जेरबंद केले आहे. पुणे शहर पोलीस स्टेशनच्या अभिलेखावर पाहिजे व फरार असलेल्या आरोपींचा शोध घेऊन त्यांना ताब्यात घेण्याचे आदेश वरिष्ठांनी दिले होते. त्यानुसार गुन्हे शाखा युनिट-५चे पथक आरोपींचा शोध घेत होते. (Latest Marathi News)
काळेपडळ पोलीस स्टेशन गुन्हा रजिस्टर क्रमांक ४०४/२०२५ अंतर्गत भा.न्या.सं. विविध कलमे तसेच महाराष्ट्र संघटित गुन्हेगारी नियंत्रण अधिनियम (मोका) १९९९ अंतर्गत दाखल गुन्ह्यातील पाहिजे आरोपी साजीद झिबाइल नदाफ (वय २७, रा. हडपसर) व इरफान नासीर शेख (वय २७, रा. सय्यदनगर, हडपसर) हे त्यांच्या परिसरात येणार असल्याची गोपनीय माहिती पोलिसांना मिळाली होती.
मिळालेल्या माहितीनुसार पोलीस पथकाने साजीद नदाफ यास वेताळबाबा वसाहत मंदिराजवळून तर इरफान शेख यास सय्यदनगर, आयशा मस्जिद शेजारील रस्त्यावरून कायदेशीर प्रक्रिया राबवत ताब्यात घेतले आहे. ही कारवाई अपर पोलीस आयुक्त (गुन्हे) श्री. पंकज देशमुख, पोलीस उप आयुक्त (गुन्हे) श्री. निखिल पिंगळे व सहायक पोलीस आयुक्त (गुन्हे-२) श्री. राजेंद्र मुळीक यांच्या मार्गदर्शनाखाली गुन्हे शाखा युनिट-५चे पोलीस निरीक्षक छगन कापसे यांच्या नेतृत्वाखाली करण्यात आली.
