पुणे: विदयुत रोहीत्रामधील (ट्रान्सफॉर्मर) तांब्याच्या तारा चोरणाऱ्या एका आरोपीस पुणे शहर गुन्हे शाखेच्या युनिट-6 ने कारवाई करीत जेरबंद केले आहे. या कारवाईत पोलिसांनी सुमारे 2 लाख रुपये किमतीच्या तांब्याच्या तारा जप्त केल्या असून वाघोली आणि लोणीकंद भागातील एकूण 4 गुन्हे उघडकीस आणले आहेत.
गुन्हे शाखा युनिट-6 चे पोलीस निरीक्षक वाहीद पठाण सहाय्यक पोलीस निरीक्षक मदन कांबळे आणि पोलीस अंमलदार हद्दीत 1 नोव्हेंबर रोजी गस्त घालत असताना, पोलीस अंमलदार ताकवणे यांना मिळालेल्या गुप्त माहितीवरून ही कारवाई करण्यात आली.
पोलिसांनी संशयित आरोपी अंशुमन राम केवल यादव (वय 19, रा. शिरूर बायपास रोड, शिरूर) यास ताब्यात घेतले. युनिट-6 कार्यालय, वाघोली येथे त्याची कसून चौकशी केली असता, त्याने आपल्या साथीदारांसह वाघोली आणि लोणीकंद परिसरात रोहीत्रामधील तांब्याच्या तारा चोरल्याची कबुली दिली.
आरोपीकडून 2 लाख रुपये किमतीच्या तांब्याच्या तारा जप्त करण्यात आल्या आहेत.
उघडकीस आलेले गुन्हे
अधिक तपास केला असता वाघोली पोलीस स्टेशनमध्ये 02 गुन्हे, लोणीकाळभोर पोलीस स्टेशनमध्ये 01 गुन्हा आणि
लोणीकंद पोलीस स्टेशनमध्ये 01 गुन्हा दाखल असल्याचे समोर आले.
सदरची कामगिरी अपर पोलीस आयुक्त गुन्हे , पंकज देशमुख, पोलीस उप-आयुक्त, निखिल पिंगळे आणि सहा. पोलीस आयुक्त, राजेंद्र मुळीक यांच्या मार्गदर्शनाखाली करण्यात आली.
सदर कारवाई पोलीस निरीक्षक वाहीद पठाण यांच्या सूचनेनुसार गुन्हे शाखा युनिट-6 चे सहा. पोलीस निरीक्षक राकेश कदम, सहा. पोलीस निरीक्षक मदन कांबळे तसेच अंमलदार सारंग दळे, बाळासाहेब सकटे, प्रशांत कापुरे, निलेश साळवे, विनायक साळवे, गिरीष नाणेकर, कानिफनाथ कारखेले, नितीन मुंढे, सुहास तांबेकर, सचिन पवार, ऋषीकेश ताकवणे, नितिन धाडगे, ऋषीकेश व्यवहारे, शेखर काटे, बाळासाहेब तनपुरे, प्रतिक्षा पानसरे, कीर्ती मांदळे आणि सोनाली नरवडे यांनी केली.
