Pune Crime: पुण्यातून एक दरोड्याची घटना समोर आली आहे. शहरातील कर्वेनगर रोडवरील असलेल्या एका रेस्टॉरंट अँड बार मध्ये अज्ञातांनी दरोडा घातल्याची घटना समोर आली आहे. डेक्कन पोलीस ठाण्याच्या हद्दीत असणाऱ्या या बार वर मध्यरात्री कोयत्याची दहशत दाखवत दरोडा टाकण्यात आला आहे. (Pune Latest Crime News)
मिळालेल्या माहितीनुसार, या घटनेत दरोडेखोरांनी बारच्या गल्ल्यातून 15 हजारांहून अधिक रक्कम चोरून नेल्याची माहिती मिळत आहे. या घटनेचा व्हिडीओ समोर आला आहे. डेक्कन पोलीस घटनास्थळी पोहचले असून पुढील तपास सुरु आहे.
हेही वाचा: बिबट्या आला रे..! बिबट्या थेट घरात घुसला; वनविभागाकडून रेस्क्यू सुरु…
ही घटना पुण्यातील अनंत रेस्टॉरंट अँड बारमध्ये रात्री दीड वाजण्याच्या सुमारास घडली आहे. अज्ञात टोळके हातात कोयते घेऊन रेस्टॉरंट अँड बारमध्ये घुसले. त्यानंतर त्यांनी धमकावून काउंटर मधील रोकड घेऊन घटनास्थळावरून पसार झाले. एवढ्यावरच ण थांबता हल्लेखोरांनी हॉटेलच्या काचाही फोडल्या. शहराच्या मध्यवर्ती भागात घडलेल्या या घटनेमुळे परिसरात एकच खळबळ उडाली आहे.
हेही वाचा: एकनाथ शिंदेंना 20 आमदार सोडणार? ‘या’ बड्या नेत्याच्या वक्तव्याने राजकारणात खळबळ
