उरुळी कांचन, (पुणे) : पुणे – सोलापूर महामार्गावर रुग्णवाहिकेला रस्ता देताना (Pune Accident) झालेल्या अपघातात दुचाकीवरील दोघेजण गंभीर जखमी झाल्याची घटना घडली. सोरतापवाडी (ता. हवेली) ग्रामपंचायत हद्दीतील वजन काट्याच्या समोर पुण्याकडे जाणाऱ्या बाजूला बुधवारी (ता. 11) सायंकाळी साडेसहा वाजता घडली आहे. अपघात झालेल्या दोन्ही व्यक्ती या कुर्डूवाडी (ता. माढा, जि. सोलापूर) येथील असल्याची माहिती मिळाली असून पूर्ण नाव व पत्ता याची माहिती अद्याप मिळू शकली नाही. (Breaking News)
मिळालेल्या माहितीनुसार, दुचाकीवरील दोघेजण हे पुणे – सोलापूर महामार्गावरून पुण्याच्या बाजूने दुचाकीवर निघाले होते. यावेळी त्यांच्या पाठीमागून एक रुग्णवाहिका हि निघाली होती. यावेळी रुग्णवाहिकेला रस्ता देताना त्यांना अज्ञात वाहनाची ठोस बसली की त्यांच्या गाडीवरील नियंत्रण सुटले याची माहिती मिळू शकली नाही. त्यामुळे दोघेजण रस्त्यावर आपटले.
यावेळी पाठीमागून आलेल्या वाहनाखाली दुचाकी चालकाचा हात गेल्याने हाताला मोठी दुखापत झाली. तर पाठीमागे बसलेल्या व्यक्तीला गंभीर दुखापत झाली. यावेळी परिसरातील नागरिकांनी पाहण्यासाठी गर्दी केली होती. त्याचवेळी केशर रुग्णवाहिकेचे वैजिनाथ कदम हे त्यांची खाजगी गाडी नीट करून उरुळी कांचन कडे निघाले होते.
कदम यांनी क्षणाचाही विचार न करता त्यांच्या स्वतःच्या खासगी गाडीतून दोघांनाही तात्काळ उरुळी कांचन येथील सिद्धिविनायक हॉस्पिटल येथे पुढील उपचारासाठी दाखल केले. अपघातग्रस्त व्यक्ती मदतीची अपेक्षा करत असताना कदम यांनी दाखवलेल्या प्रसंगावधानाचे परिसरात कौतुक केले जात आहे. अपघातातील व्यक्तींची नावे अद्याप समजू शकली नसून त्यांच्यावर उपचार सुरु आहेत.
500 मीटरवर चारचाकीची कामगाराला धडक
सोरतापवाडी हद्दीत महामार्गाच्या बाजूला काम करीत असलेल्या एका कामगाराला एका चारचाकी चालकाने जोरात धडक दिली. या घटनेत कामगार गंभीर जखमी झाला आहे. त्या अपघाताची माहिती अद्याप मिळू शकली नाही.
