Pune Accident: उरुळी कांचन, (पुणे) : पुणे-सोलापूर महामार्गावर दुचाकी स्लीप होऊन झालेल्या अपघातात पाठीमागे बसलेल्या एका इसमाचा उपचारादरम्यान मृत्यू झाला आहे. पुणे बाजूकडून सोलापूर बाजूकडे जाताना उरुळी कांचन (ता. हवेली) ग्रामपंचायत हद्दीतील विश्वा पेट्रोल पंपासमोर शनिवारी (ता. 17) दुपारी पाऊणे एक वाजण्याच्या सुमारास हा अपघात झाला आहे.
नंदु बहरैची कुमार (वय -55, सध्या रा.चाळ नं. 34 34, कृष्णा प्रभू हॉस्पीटलचे जवळ, लक्ष्मीनगर, पर्वती, जि.पुणे, रा. बहरैची, हलू आपार मेळपो. गौरा उपाध्याय वस्ती, उत्तर प्रदेश) असे अपघातात मृत्यू झालेल्या इसमाचे नाव आहे. याप्रकरणी आकाश दिनेशकुमार राणा (वय -21 वर्श, धंदा- मजुरी, सध्या रा.चाळ नं. 3434, कृष्णा प्रभू हॉस्पीटलचे जवळ, लक्ष्मीनगर, पर्वती, जि.पुणे, मूळ रा. रेबारी भास, भाटकडा, ता. जि. सिरोही, राज्य राजस्थान) याच्यावर उरुळी कांचन पोलीस ठाण्यात विविध कलमान्वये गुन्हा दाखल करण्यात आला आहे. याप्रकरणी संतोष लक्ष्मण झोंबाडे (वय 35, व्यवसाय अँम्ब्युलन्स ड्रायव्हर, रा. झोंबाडेवस्ती, उरुळी कांचन) यांनी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी आकाश राणा हा त्याच्या ताब्यातील सुझुकी एक्सेस स्कुटर (क्रमांक MH 12 TL 6908) भरधाव वेगात व वाहतुकीचे नियम धाब्यावर बसवून चालवत होता. स्कुटरवर मागे बसलेला नंदु बहरैची कुमार हा अचानक जोरात हलल्यामुळे चालकाचे वाहनावरील नियंत्रण सुटले आणि स्कुटर घसरून अपघात झाला. या अपघातात नंदु कुमार यांना डोक्याला व पोटाला गंभीर दुखापती होऊन झाली होती तर अपघातात स्कुटरचेही मोठे नुकसान झाले होते.
दरम्यान, अपघाताची माहिती मिळताच कस्तुरी रुग्णवाहिकेचे संतोष झोंबाडे व रतन चव्हाण यांनी तात्काळ जखमी नंदु बहरैची कुमार याला उरुळी कांचन येथील हिमालया रुग्णालयात पुढील उपचारासाठी दाखल करण्यात आले. मात्र उपचारादरम्यान त्याचा मृत्यू झाला. या प्रकरणी स्कुटर चालकाविरुद्ध कायदेशीर गुन्हा दाखल करण्यात आला असून पुढील तपास सहाय्यक फौजदार रमेश भोसले करीत आहेत.
