प्रतिनिधी: अमित मुंडीक
Pune : मद्यपान करून वाहन चालवणाऱ्या चालकांविरुद्ध पुणे शहर वाहतूक शाखेकडून कठोर कारवाई करण्यात येत आहे. त्याच अनुषंगाने 4 आणि 5 मार्च रोजी शिवाजीनगर येथील मोटार वाहन न्यायालयात विशेष मोहीम राबविण्यात आली.
या मोहिमेत मद्यपान करून वाहन चालविल्याप्रकरणी 102 खटले दाखल करण्यात आले. न्यायालयाने 102 आरोपींना दोषी ठरवत एकूण 11 लाख 58 हजार रुपयांचा दंड ठोठावला.
मद्यपान करून वाहन चालवणे हे स्वतःचा आणि इतरांचा जीव धोक्यात घालणारे कृत्य असल्यामुळे नागरिकांनी वाहतूक नियमांचे काटेकोर पालन करावे आणि दारू पिऊन वाहन चालवू नये, असे पुणे शहर वाहतूक शाखेकडून आवाहन करण्यात आले आहे.
