अमित मुंडीक
पुणे: मुळशी रोडवरील (Pune News) भुकूम बस स्टॉपजवळ आज सकाळी सुमारे 10.30 वाजता दोन गाड्यांचा अपघात झाला. या अपघातात MH-12 XX 2058 या क्रमांकाच्या टोयोटा चारचाकी गाडीच्या बोनटला अचानक आग लागली.
घटनास्थळी NDA अग्निशमन दल पोहोचण्यापूर्वीच परांजपे फॉरेस्ट ट्रेलच्या फायर गाडीच्या मदतीने स्थानिक नागरिकांनी आग नियंत्रणात आणली. चालक किरकोळ जखमी झाल्याने त्याला तातडीने रुग्णालयात दाखल करण्यात आले.
अग्निशमन दलाने घटनास्थळी पोहोचून गाडीच्या बोनटमधून येणारा धूर पाहता पाणी मारून आग पूर्णपणे विझवली. त्यानंतर दलाने परिस्थिती नियंत्रणात असल्याची खात्री करून मदतनीस परतले.
सदर कामगिरी प्रभारी अधिकारी सुनील नामे, ड्रायव्हर दत्ता गोगावले, फायरमन पंढरीनाथ उभे, संकेत करांडे, शिवकुमार माने, तसेच मदतनीस मनोज गायकवाड आणि राकेश नाईकनवरे यांनी यशस्वीरीत्या पार पाडली.
