पिंपरी-चिंचवड :Pune Crime News – कर्तव्यावर असणाऱ्या एका महिला पोलीस कर्मचाऱ्याला महिलेने मारहाण केल्याचा प्रकार पिंपरी चिंचवड शहरातील फुगेवाडी येथून समोर आला आहे. (Pune Crime News) हा प्रकार रात्री पावणे नऊ वाजता घडला आहे. तुला काय करायचे ते कर, माझ्याकडे पण वर्दी आहे, अशी महिलेले धमकी करत शिवीगाळ केली. (Pune Crime News)
याप्रकरणी महिला पोलीस कर्मचाऱ्याने भोसरी पोलीस ठाण्यात फिर्याद दिली आहे. त्यावरून संगीता शांताराम कदम (वय 27, रा. पिंपळे गुरव) या महिलेस अटक केली आहे.
मिळालेल्यमा माहितीनुसार, तक्रारदार महिला या वाहतूक विभागात नेमणुकीस आहेत. फुगेवाडी येथे कर्तव्य बजावत असताना एमएच 14/एचएस 2105 क्रमांकाच्या दुचाकीवरून धरमिंदर मनजित सिंग हा विरुद्ध दिशेने दुचाकी घेऊन आला. त्याच्यावर वाहन चालविण्याचा परवाना निलंबित करण्याची कारवाई फिर्यादी करीत होत्या.
त्यावेळी धरमिंदर याच्या पाठीमागे बसलेल्या आरोपी महिलेने फिर्यादी यांच्या हातातून धरमिंदर याचा वाहन चालविण्याचा परवाना घेतला. तो तोडून फेकून दिला. (Bhosari) तुला काय करायचे ते कर, माझ्याकडे पण वर्दी आहे, अशी महिलेने फिर्यादी यांना धमकी दिली. महिलेने फिर्यादीसोबत धक्काबुक्की, मारहाण करून शिवीगाळ केली असल्याचे फिर्यादीत म्हटले आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Daund Crime : दौंड तालुक्यातील रावणगाव येथे पोलिसाला मारहाण
