पुणे: कर्वेनगर येथील डीपी रोडवरील एका भंगारच्या गोडाऊनला आज सकाळी भीषण आग लागल्याची घटना घडली. गोडाऊनमध्ये जुने फ्रीज, कुलर आणि एसी यांसारखे भंगार साठवलेले होते.
आगीची माहिती मिळताच प्रथम वारजे अग्निशामक केंद्राची गाडी घटनास्थळी दाखल झाली. त्यानंतर अग्निशामक दलाच्या कर्मचाऱ्यांनी आग विझवण्याचे प्रयत्न केले. थोड्याच वेळात एरंडवणे आणि कोथरूड येथूनही अग्निशमन दलाच्या गाड्या घटनास्थळी पोहोचल्या. तिन्ही गाड्यांनी समन्वयाने आग विझवण्यासाठी शर्थीचे प्रयत्न केले आणि काही वेळातच आगीवर नियंत्रण मिळवण्यात यश आले.
या आगीत कोणतीही जीवितहानी झाली नसल्याची प्राथमिक माहिती असून नुकसानाचे अधिक तपशील अद्याप समोर आलेले नाही.
